(விளக்கவுரை) காண் : முன்னிலையசைச்சொல். திருமாலின்
பெண்கள் இருவர் முருகனையடையத் தவஞ்செய்து வானவரிடம்
தெய்வயானையாக ஒருவரும், மான் வயிற்றிற் பிறந்து வேடர்குடியில்
ஒருவருமாக வளர்ந்தனர். ஆகையால் வள்ளியம்மையை மாதவகுமாரி
என்றார். சாரங்கம் - மான். சரசன் - இனியவன். புல்குதல் - தழுவுதல்.
மறு - குற்றம். விரோசனம் - வயிற்றுப் போக்கு மருந்து. மொய்த்தல் -
நெருங்குதல். (அடத்தியாக இருத்தல்) குழல் - கூந்தல். சையோகம் -
சேர்க்கை. உடம்பினிடம் உழைப்பு வாங்குவோர் அது நீடித்திருக்கவும்
நினைக்க வேண்டுமாகையால் அதனிடம் இரக்கங் காட்டவேண்டும்
என்பதற்காகத் தயையாக உலாவல் என்று கூறினார்.

     (கருத்து) இச்செய்யுளிலே கூறப்பட்டவை உடல் நலந்தரக் கூடியவை.
                                                           (19)