(இ-ள்.) வரநதியின் மதலையென இனிய சரவணமிசையில் வருதருண
சிறுகுழவியே - உயர்ந்த கங்கையின் மகனென அழகிய சரவணத்தின்
மீதிலே எழுந்தருளிய சிறுகுழந்தையே!, மயிலேறி.......... குமரேசனே!-, அரசர்
பகையும் - மன்னர் பகையும், தவம்புரி தபோதனர் பகையும் - தவஞ்செய்யுந்
துறவிகள் பகைமையும், அரிய கருணீகர் பகையும் - அருமையான கணக்கர்
பகையும், அடுத்துக் கெடுப்போர் கொடும் பகையும் - அடுத்துக் கெடுக்கும்
கொடியவரின் பகையும், உள் பகையும் - உள்ளேயிருக்கும் பகையும்,
அருளிலாக் கொலைஞர் பகையும் - அருளில்லாத கொலையாளிகளின்
பகைமையும், விரகுமிகும் ஊரில் உள்ளோருடன் பகையும் - அன்புமிக்க
ஊராருடன் பகையும், மிகு விகடப்ரசங்கி பகையும் - பெரிய
நகைமொழியாளன் பகையும், வெகுசனப்பகையும் - கூட்டமான மக்களின்
பகையும், மந்திரவாதியின் பகையும் - மந்திரக்காரன் பகையும், விழை
மருத்துவர்கள் பகையும் - விரும்பத்தக்க வைத்தியர்களின் பகையும்,
உரம்மருவு கவிவாணர் பகையும் - அறிவிற்சிறந்த கவிஞரின் பகையும்,
ஆசான் பகையும் - ஆசிரியன் பகையும், உறவின் முறையார்கள் பகையும் -