அருந்ததி, கதித்திடு பெலத்தில் மாருதம் - மோதி வரும் ஆற்றலிலே காற்று,
யானையிற் பேசில் ஐராவதம் - யானைகளிற் சிறப்பித்துக் கூறும் ஐராவதம்,
தமிழினில் அகத்தியம் - தமிழ் நூல்களில் அகத்தியம், மந்திரத்திற் பிரணவம்
- மந்திரங்களிலே பிரணவம், வாரிதியிலே திருப்பாற்கடல் - கடல்களிலே
பாற்கடல், குவட்டினில் மாமேரு - மலைகளில் மாமேரு மலை, ஆகும்
அன்றோ - சிறப்புடையன ஆகும் அல்லவா?

     (விளக்கவுரை) காமதேனு (வட): விரும்பியவற்றை அளிக்கும் பசு.
இஃது இந்திரனுடையது. அம்போருகம் (வட) - தாமரை, (நீரில் தோன்றுவது)
அம்பு - நீர். அகத்தியம் தமிழிலே முற்காலத்தில் இருந்ததாகக் கருதப்
பெறும் முத்தமிழிலக்கணம்.

     (கருத்து) இங்குக் கூறப்பட்ட உயர்திணைப் பொருளும் அஃறிணைப்
பொருளும் அவ்வவ்வினத்தில் உயர்ந்தவை.                    (24)