(இ-ள்.) மயிலேறி.........குமரேசனே! -, தருணத்தில் உதவிசெய்யாத
நட்பாளர் பின்தந்து என தராமல் என்ன - காலத்திலே துணைபுரியாத
நண்பர்கள் காலங்கடந்தபிறகு துணைபுரிந் தென்னபயன்?
துணைபுரியாமையாலும் என்ன கெடுதல்? தராதரம் அறிந்து முறைசெய்யாத
மன்னரைச் சார்ந்து என்ன நீங்கில் என்ன - ஏற்றத்தாழ்வு கண்டு முறைகூறாத
அரசர்களை அடுத்திருப்பதால் என்ன பயன் நீங்கிவிட்டால் என்ன கெடுதல்?
பெருமையுடன் ஆண்மையில்லாத ஒரு பிள்ளையைப் பெற்று என்ன பெறாமல்
என்ன - தகுதியும் வீரமும் இல்லாத ஒரு மகனைப் பெற்றுப் பயன் என்ன
பெறாவிட்டால் கெடுதி என்ன? பிரியமாய் உள்ளன்பு இல்லாதவர்கள் நேசம்
பிடித்து என விடுக்கில் என்ன - விருப்பத்துடன் உள்ளத்திலே அன்பு
இல்லாதவர்களின் நட்பைப் பெற்றால் என்ன பயன் பெறாவிட்டால் என்ன
கெடுதி? தெருளாக மானமில்லாததொரு சீவனம் செய்து என செய்யாமல்
என்ன - அறிவுடன் மானமும் இல்லாத வாழ்க்கை நடத்தி என்ன பயன்
விட்டுவிட்டால் என்ன கெடுதல்? தேகி என வருபவர்க்கு ஈயாத செல்வம்
சிறந்து