(இ-ள்.) மயிலேறி .......குமரேசனே!-, தன் பெருமை சொல்லியே
தன்னைப் புகழ்ந்த பதர் - தன் பெருமையைக் கூறிப் புகழ்ந்துகொண்ட
பதரும், சமர்கண்டு ஒளிக்கும் பதர் - போரைக் கண்டு பதுங்கும் பதரும்,
தக்க பெரியோர் புத்தி கேளாத பதர் - நல்ல பெரியோரின் அறிவுரைக்குச்
செவிகொடாத பதரும், தோழர் தம்மொடு சலிக்கும் பதர் - நண்பரிடம் தன்
குறையைக் கூறிக் கவலைப்படும் பதரும், பின்பு காணா இடந்தன்னிலே
புறணிபல பேசிக் களிக்கும் பதர் - (ஒருவரைப்பற்றி அவர்முன் இல்லாமல்)
அவர் சென்றபின்னும், அவரைக் காணாதபோதும் அவரைப்பற்றிக் குறைகூறி
மகிழும் பதரும், பெற்ற தாய் தந்தை துயர்பட வாழ்ந்திருந்த பதர் -
தன்னையீன்ற பெற்றோர்கள் வருந்திக்கிடக்கத் தான்மட்டும் இனிமையுடன்
வாழும் பதரும், பெண்புத்தி கேட்கும் பதர் - பெண்ணின் மொழிகளைக்
கேட்டு நடக்கும் பதரும், பொன்பணம் இருக்கவே போய் இரக்கின்ற பதர்
- பொன்னும் பணமும் வைத்துக்கொண்டே பிறரிடம் இரந்துநிற்கும் பதரும்,
பொய்ச்சாட்சி சொல்லும் பதர் - பொய்க்கரிகூறும் பதரும், புவியோர்
நடத்தையை யிகழ்ந்த பதர் - உலகிலுள்ளவரைப்