(இ-ள்.) மயிலேறி...........குமரேசனே! -, கல்லினால் மயிரினால் -
உணவிலே கல்லும் மயிரும் கலந்திருப்பதாலும், மீதூண் விரும்பலால் -
அதிக உணவை விரும்பி யுண்பதாலும், கருதிய விசாரத்தினால் - கருத்தை
வருத்துங் கவலையினாலும், கடுவழி நடக்கையால் - மிக்க தொலைவு
நடப்பதனாலும். மலசலம் அடக்கையால் - மலசலங்களை அடக்குவதாலும்,
கனிபழம் (பழங்) கறி உணலால் - மிகக்கனிந்த பழத்தையும்
பழங்கறிகளையும் உண்பதாலும், நெல்லினால் உமியினால் - (உணவில்)
நெல்லும் உமியும் இருப்பதாலும், உண்டபின் மூழ்கலால் - உணவுக்குப் பின்
குளிப்பதாலும், நித்திரைகள் இல்லாமையால் - தூக்கக்கெடுதியாலும், நீர்
பகையினால் - (தன் உடம்புக்கு) ஒவ்வா நீரிலே முழுகுவதாலும்,
பனிக்காற்றின் உடல் நோதலால் - பனிகலந்த காற்றிலே மெய்வருத்துவதாலும்,
நீடுசருகு இலை ஊறலால் - சருகும் இலையும் நீண்டநாள் (குடிக்கும் நீரில்)
ஊறிக் கிடப்பதாலும், மெல்லி நல்லார் கலவி அதிகம் உள் விரும்பலால் -
மென்மைத்தன்மையுடைய பெண்களின் சேர்க்கையை மிகவும் மனங்கொண்டு
விரும்பி நடப்பதாலும், வீழ்மலம் சிக்குகையினால் - கழியும் மலம்
சிக்குவதாலும்,