பிறழும் பெரியோர்கள், வீறாக மனையாள் தனக்கு அஞ்சி வந்திடும்
விருந்தினை ஒழித்துவிடுவோர் - மனைவியின் இறுமாப்புக்கு அச்சமுற்று
வந்த விருந்தினரை விலக்கிவிடுவோர், செல்லாத விவகாரமது கொண்டு
மிக்கசபை வீம்புடன் ஏறும் அசடர் - நடவாத வழக்கை ஆதரவாகக்
கொண்டு பெரிய அறமன்றங்களிலே பிடிவாதமாகச் செல்லும்
பிழையாளர்கள், இவரெலாம் மாறாக உயிருடன் செத்தசவம் ஆகி
ஒளிமாய்வர் - இவர்களெல்லாரும் உலகியலுக்கு எதிராக உயிரோடிருந்தும்
இறந்த பிணமாகிப் புகழ் குன்றுவர்.

     (அருஞ்சொற்கள்) வேட்டகம் - மாமனார் வீடு. வேட்ட அகம் -
விரும்பிய வீடு. விருந்து - புதுமை. விருந்தினர் - புதியவர். உறவினர் வேறு
- விருந்தினர் வேறு ஆவர்.

     (கருத்து) இங்குக் கூறப்பட்டவர் உயிருடன் உலவினாலும்
உலகிற்கும் தமக்கும் பயனற்றவர்களாகையால் இறந்தவர் போலக்
கருதப்படுவர்.                                       (32)