அறியலாம் - கற்றறிந்த புலவனென்பதை அவையிலே செய்யுஞ்
சொற்பொழிவினால் தெரிந்து கொள்ளலாம்; குணங்களை நடையினால்
அறியலாம் - நல்ல பண்பை ஒழுக்கத்தினால் உணரலாம்; தனது அகம்
அடுத்தது பளிங்கினால் அறியலாம் - பளிங்கினாலே அதனுள்ளேயிருக்கும்
பொருளைப் பார்க்கலாம்; சாதி சொல்லால் அறியலாம் - பிறப்பின் சிறப்பைச்
சொல்லாலே தெரிந்து கொள்ளலாம்; தருநீதி கேள்வியால் அறியலாம் -
அறநூல்களைக் கேட்பதனாலே அறங்களை அறிந்து கொள்ளலாம்;
பிணிகளைத் தாதுக்களால் அறியலாம் - நோய்களை நாடிகளால் உணரலாம்.

     (அருஞ்சொற்கள்) வசனம் (வட) தாமரை விகசிதம் (வட) ஒளி.
வதனம்(வட) - முகம். பரிபூரணம் (வட) - எங்கும் நிறைவு. ஆனந்தம்
(வட) - இன்பம். பளிங்கு தன்னுள்ளேயிருக்கும் பொருள்களைத்
தெளிவாகக் காட்டும். ‘அடுத்தது காட்டும் பளிங்கு' என்றார் வள்ளுவர்.
‘சாதி சொல்லால் அறியலாம்' என்பது இக்காலத்துக் கேற்றதன்று.

     (கருத்து) இங்குக் கூறப்பட்டவற்றை அவற்றுடன் கூறப்பட்ட
கருவிகளால் அறியமுடியும்.                             (38)