(இ-ள்.) மல்புயந்தனில் நீபமாலையணி லோலனே! மார்பனே!
வடிவேலவா! - மல்லுக்குரிய வலிய தோளிலே கடப்பமாலை அணிந்த
இனியனே! அழகிய மார்பனே! கூரிய வேற்படையை யேந்தியவனே!,
மயிலேறி........குமரேசனே!-, அற்பர்க்கு வாழ்வு சற்று அதிகம் ஆனால்
விழிக்கு யாவர் உருவும் தோன்றிடாது - இழிந்த குணமுடையவர்க்குச்
செல்வாக்குச் சிறிது மிகுதியானால் யாருருவமும் கண்களுக்குத் தெரியாது;
அண்டிநின்றே நல்ல வார்த்தைகள் உரைத்தாலும் அவர் செவிக்கு ஏறிடாது
- நெருங்கிநின்று இன்மொழி இயம்பினாலும் அவர்களுடைய செவியில்
செல்லாது; முன்பட்சமானபேர் வருகினும் வாரும் என மொழியவும்
வாய்வராது - முன்நாளிலே அன்பாக இருந்தவர்கள் வந்தாலும் வாருங்கள்
என்று கூறவும்வாய் எழாது; வாதப்பிடிப்பு வந்ததுபோல முன்காலை
மோதியே அகலவைப்பார் - வாதநோய் வந்தவர்கள்போல முன்காலை
விரைந்து நீட்டிவைத்து நடப்பார், (நடையிலே இறுமாப்புக் காணப்படும்);
விற்பனம் மிகுந்த பெரியோர் செய்தி சொன்னாலும் வெடுவெடுத்து
ஏசிநிற்பார் - அறிவிற்சிறந்த பெரியோர்கள் ஏதாவது சொன்னாலும்
கடுகடுத்து வைதிடுவார்கள்;