உடையவரிடம் கடனாகக் கொடுத்துவைத்த முதற்பொருளும், காலமதுநேரில்
தனக்கு உறுதியாகமுன் கற்று உணர்ந்திடு கல்வியும் - துன்பம்
நேர்ந்தகாலத்தில் தனக்கு நன்மை தருவதற்காக இளமையிலேயே
கற்றுத்தெளிந்த கல்வியும், விருது அரசரைக் கண்டு பழகிய சிநேகமும் -
சிறப்புச் சின்னம்மிக்க அரசர்களைப் பார்த்துப் பயின்ற நட்பும், விவேகிகட்கு
உபகாரமும் - அறிஞர்களுக்குச் செய்த நன்றியும், வீண் அல்ல -
வீணாகமாட்டா; இவையெலாம் கைப்பலனது ஆக அபிவிர்த்தியாய் வரும்
என்பர் - இவைகளெல்லாம் கைமேற் பலன் தருவனவாக வளர்ச்சியடையும்
என்பார்கள்.

     (விளக்கவுரை) மரு - மணம். தரளம் - முத்து. புரட்டாசி பாதி -
புரட்டாசி பதினைந்து நாட்களுக்குள். விருது - கொடி. குடை முதலிய
அடையாளங்கள். ‘அறுநான்கிலே பெற்ற பிள்ளையும் முன்னாளில் இட்ட
பொருளும் பின்னாளிலே பயன்படும்' என்று பழமொழி கூறுவதுண்டு.

     (கருத்து) இங்குக் கூறியவை வீண்போகா என்பதாம்.       (49)