(இ-ள்.) வல்விரகம் மிஞ்சுசுர குஞ்சரியுடன் குறவர் வஞ்சியை மணந்த
கணவா - மிகுந்த காதலையுண்டாக்கும் தெய்வயானையுடன் குறவர்
பெண்ணையும் மணம்புரிந்த கணவனே!, மயிலேறி....... குமரேசனே! -,
சபையின் மேல்வட்டம்ஆ கல்வியொடு கனம்உறக் காணவைப்போன்
பிதாவாம் - பேரவையிலே உயர்ந்த நிலையிலே கல்வியுஞ் சிறப்பும் பொருந்த
இருக்கவைப்பது தந்தையின் கடமை; கற்று உணர்ந்தே தனது புகழால்
பிதாவைப் பிரகாசம் செய்வோன் புத்திரன் - கலைகளைக் கற்றறிந்து தன்
புகழினாலே தந்தைக்குப் பெயர் தேடித்தருவது மகன் கடமை; செல்வம்மிகு
கணவனே தெய்வம் என்று அனுதினம் சிந்தை செய்பவள் மனைவிஆம் -
செல்வத்திற் சிறந்த கணவனே தெய்வம் என்று எப்போதும் மனத்திற்
கொண்டிருப்பது மனைவியின் கடமை; சிநேகிதன் போலவே அன்பு வைத்து
உண்மைமொழி செப்புமவனே சோதரன் - நண்பனைப்போல அன்புகொண்டு
உண்மையாகப் பேசுவது உடன்பிறந்தோன் கடமை; தொல்வளம் மிகுந்த நூல்
கரைதெரிந்து உறுதிமொழி சொல்லுமவனே குரவன்ஆம் - பழைமையான
பொருள்வளம் செறிந்த நூல்களின் கரை