பச்சோடலிங்கம் - பாப்பினிமடவளாகம்

     (கு - ரை) பச்சோடலிங்கம் என்பது காங்கேயமடுத்து வடகீழ்த்
திசையிலுள்ள பாப்பினி மடவளாகத்தில் உள்ளது. அம்பிகையின்
திருநாமம் பச்சைநாயகி என்பது. பெரியநாயகி என்பதும் பெயராம்.
அம்பிகை இறைவனுக்குப் பச்சை ஓட்டில் அமுதளித்ததால்
இறைவனுக்குப் பச்சோடலிங்கர் எனப் பெயருண்டாயிற்று என்பர்.

     பச்சோடநாதர் கோவிலையடுத்து நாகபுஷ்கருணியென்னும் பச்சோட
தீர்த்தமுள்ளது. பச்சோட தீர்த்தத்தில் சில ஆண்டுகளுக்கு ஒருமுறை
திருநீறு நிறைந்த பசுமண் கலயமொன்று வெடி சப்தத்துடன் தானாக
மேலெழுவது கண்கூடு. பாப்பினிக்குப் பார்வதிபுரம் என்று பெயராம்.

     மடவளாகம் 1155 D. 2808 - 2. மடவளாகம் பச்சோடநாதர் கோவில்
தட்சிணாமூர்த்தி சந்நிதி கர்ப்பக் கிரகத்தில் அர்த்த மண்டபத்தில் உள்ள
சாஸனம்.