|
(97)
|
கண்பூத்
திரங்கி வரும்புல வோர்கள்தங் காதல்கண்டு
அன்பூத் திரங்கிய வன்னையைப் போலவு மன்னமிட்டுச்
செம்பூத்த கோத்திரன் குழந்தைநல் வேலன் சிறந்தமுத்து
வண்பூத்த கண்ட னமரா பதிகொங்கு மண்டலமே. |
சதாசிவனுக்கு
எப்பொழுதும் அமுதூட்டியது
|
(98)
|
ஊனே
நிறைந்துயர் தேவா வமுத முணவொழிந்தும்
தானே நிறைந்தும் வடுகுமக் காலஞ் சதாசிவற்குத்
தேனே நிறைந்து குலாய குலேந்திர தேவன்முத்து
வானே நிறைந்த வமுதூட்டி வாழ்கொங்கு மண்டலமே. |
சிவபெருமான்
திருமுடியிற் பொன்முடிப்புச்
சூட்டியது
|
(99)
|
தென்னவர்
தேவரு மூவரி ராசர் சிவன்சபையில்
அன்னவ னீயென்றழைத்துவந் தார்செய் யழற்கணற்குப்
பொன்னகு வாதிபன் பொன்னையும் வாரிச்செம் பொன்முடிப்பான்
மன்னுயிர் காக்க முடிசூட்டு வோன்கொங்கு மண்டலமே. |
கம்பர்
பேர்விளங்க வாழ்ந்தது
|
(100)
|
விண்ணுக்கு
மாதுக்குந் தேவர்க்கும் ராமர்க்கும் மென்முகிற்கும்
பெண்ணுக்குங் கற்புக்குங் காத்தவன் காண்கம்பர் பேர்விளங்க
எண்ணுக்குங் கீர்த்திக்குந் தொண்ணூறு மாறுக்கு மென்றடிமை
வண்ணக்க கோத்திர நல்லவன் வாழ்கொங்கு மண்டலமே. |
|