முகப்பு

பக்கம் எண் :

தொடக்கம்

13 செய்து - கொடுத்து, இரவு பகல் போற்றி - இரவும் பகலும் விடாமல் வணங்கி, மலரடியில் மெய்யாகவே வீழ்ந்து பரவி - (ஆசிரியன்) மலர்போன்ற திருவடிகளில் உண்மையாகவே வீழ்ந்து புகழ்ந்து கூறி, உபதேசமது பெற விரும்புவோர் சற் சீடர்ஆம் - அறிவுபெற விழைவோர் நல்ல மாணாக்கராவர், அவர்க்கு வினைவேர் அறும்படி அருள் செய்திடுவதே மிக்க தேசிகரது கடன் - அவர்களுக்கு வினையின் வேர் கெடும்படி அருள் செய்வது சிறந்த ஆசிரியரது கடமையாகும்.      (வி-ரை.) கொடுமை செய்தாலுமோ, இகழ்ந்தாலுமோ என்பனவற்றிலுள்ள ஓகாரங்கள் அசையாக வந்தன. அன்னையின் சிறப்பு நோக்கி ‘மாதா பிதா' என முற்கூறினார். ‘பொருள் உடல் ஆவி' யென ஒன்றினும் ஒன்று மேன்மேற் சிறப்பு நோக்கி முறைப்படுத்தப்பட்டன. வினை : நல்வினை தீவினை யிரண்டும் என்பர். வினையின் வேர் ஆசையாகும்.      (க-து.) இங்குக் கூறப்பட்டவை நன்மாணாக்கரின் இயல்.           7. பொருள்செயல் வகை புண்ணிய வசத்தினாற் செல்வமது வரவேண்டும்;      பொருளைரட் சிக்க வேண்டும்   புத்தியுடன் அதுவொன்று நூறாக வேசெய்து      போதவும் வளர்க்க வேண்டும்; உண்ணவேண் டும்; பின்பு நல்லவத் ராபரணம்      உடலில்த ரிக்க வேண்டும்;   உற்றபெரி யோர்கவிஞர் தமர்ஆ துலர்க்குதவி      ஓங்குபுகழ் தேட வேண்டும்; மண்ணில்வெகு தருமங்கள் செயவேண்டும்; உயர்மோட்ச      வழிதேட வேண்டும்; அன்றி,   வறிதிற் புதைத்துவைத் தீயாத பேர்களே      மார்க்கம்அறி யாக்குரு டராம்

முன் பக்கம்

மேல்

அடுத்த பக்கம்