முகப்பு

பக்கம் எண் :

தொடக்கம்

16 கோதையர்களோடு பரிகாசம் செய ஒண்ணாது - பிற மங்கையருடன் நகைத்துப் பேசுதல் கூடாது, கோள் உரைகள் பேச ஒணாது - கோள் மொழிகள் கூறல் கூடாது, நஞ்சு தரும் அரவொடும் பழக ஒணாது - நஞ்சைத் தரும் பாம்பொடு பழகல்கூடாது, இருள்வழி நடந்து தனி ஏக ஒணாது - இருண்ட நெறியிலே தனியே நடந்து செல்லல் கூடாது, நதி பெருக்கு ஆகின் அதில் நீஞ்சல் செய்ய ஒண்ணாது - ஆறு பெருகிச்சென்றால் அதை நீந்திச் செல்லுதல் கூடாது, நல்வழி மறக்க ஒணாது - நன்னெறியை மறத்தல் கூடாது அஞ்சாமல் அரசர்முன் பேச ஒணாது - அரசரிடம் அச்சமின்றிப் பேசுதல் கூடாது.      (வி-ரை.) ‘மருவ ஒணாது; மருவ வொணாது' என வருதல் வேண்டும்; மருவ என்பதன் ஈற்றிலுள்ள அகரம் செய்யுள் விகாரத்திற் கெட்டதாகையால் ‘மருவொணாது' என வந்தது. பின் வந்தனவும் அவ்வாறே கெட்டு வந்தன. ‘ஒண்ணாது' என்பது ‘ஒணாது' என வருவது இடைக்குறை.      (க-து.) இங்குக் கூறப்பட்டவை செய்ய ஒண்ணாதவை.          9. ஒன்றற்கொன்று அழகு வாழ்மனை தனக்கழகு குலமங்கை; குலமங்கை      வாழ்வினுக் கழகு சிறுவர்;   வளர்சிறுவ ருக்கழகு கல்வி;கல் விக்கழகு      மாநிலம் துதிசெய் குணமாம்; சூழ்குண மதற்கழகு பேரறிவு; பேரறிவு      தோன்றிடில் அதற்க ழகுதான்   தூயதவம், மேன்மை, உபகாரம், விரதம், பொறுமை      சொல்லரிய பெரியோர் களைத் தாழ்தல், பணி விடைபுரிதல், சீலம், நேசம், கருணை      சாற்றுமிவை அழகென் பர்காண்   சௌரி, மல ரோன், அமரர், முனிவர், முச்சுடரெலாம்      சரணம்எமை ரட்சி யெனவே.

முன் பக்கம்

மேல்

அடுத்த பக்கம்