எதுகையும் மோனையும் சேராத செய்யுளும், காப்பு அமைவு இலாதது ஓர்
நந்தவனமும் - காவல் பொருந்தியிராத ஒரு பூங்காவும், நல்ல கரைஇலா
நிறை ஏரியும் - நல்ல கரையில்லாத நீர்நிறைந்த ஏரியும், கசடுஅறக் கற்காத
வித்தையும் - குற்றமின்றிக் கல்லாத கல்வியும், உபதேச காரணன் இலாத
தெளிவும் - கற்பிக்கும் ஆசிரியன் இல்லாத கலைத்தெளிவும், கோப்புஉள
விநோதம் உடையோர் அருகு புகழாத கோதையர்செய் கூத்தாட்டமும் -
கோவையான பலவகை விளையாட்டினர் அருகில் இருந்து புகழ்ந்து கூறாத
விறலியர் ஆடும் கூத்தும், குளிர் புனல் நிறைந்துவரும் ஆற்றோர
மதில்நின்று கோடு உயர்ந்து ஓங்கு தருவும் - குளிர்ந்த நீர் நிறைந்து
வரத்தக்க ஆற்றோரத்திலே இருந்து வளரும் நீண்ட உயர்ந்த
கொம்புகளையுடைய மரமும், ஆப்பது இல்லாத தேர் - சுள்ளாணி இல்லாத
தேரும், இவையெலாம் ஒன்று ஆகும் - இவை யாவும் ஒரேதன்மையுடையன (கெடுவன) ஆகும்.

     (வி-ரை.) முதுமை + அரண் : மூதரண். அரணெனப்படுபவை மதிலும்
அகழியும் காவற்காடும் இயற்கையாய் அமைந்த மலையும் ஆகும்.
உபதேசகாரணன் - கற்பிக்குந் தலைவன். ‘கல்விக்கு அழகு கசடுஅற
மொழிதல், ‘ஆற்றங் கரையின் மரமும் அரசு அறிய வீற்றிருந்த வாழ்வும்
விழும்' என்பவை இங்கு நினைக்கத் தக்கவை.

     (க-து.) எப்பொருளுக்கும் அழகும் ஆதரவும் வேண்டும்.