(1)
மயக்கத்தையும் உடைய களிறுகள் தம் கழுத்திலே வைத்த. விமானம் - இந்திர விமானம். வால் உளை மடங்கல் - வெள்ளிய பிடரிமயிரையுடைய சிங்கம்.
(2) பீடிகை - ஆசனம். இந்திர விமானம் ஆதிசேடனாலும் எட்டுத் திக்கயங்களாலும் முப்பத்திரண்டு சிங்கங்களாலும் அறுபத்து நான்கு கணங்களாலும் தாங்கப்படுவதென்பர். (திருவிளை. 1:83.) என் ஐயன் - சுந்தரேசுவரர், அங்கயற்கண்ணமுதை - மீனாட்சியம்மையை. அம்மனை - தாய்.
(3) கணி - கண்ணி. இடைக்குறை. துழாய்க்காடு திருமால்திருமார்பில்அணிந்ததுளவத்தொகுதி, தேங்கலுழி - தேனின் வெள்ளம். காட்டை அலைத்து ஓடும் வெள்ளம். அது பாய்தலால் வழி சேறுபட்டுக் கழனிபோல் ஆயிற்று. அளறு - சேறு. கழனி - வயல். நடவை - வழி. கமலத்து அணங்கரசு.திருமகள். கையணை முகந்து - கையாகிய அணையைப் பற்றிக் கொண்டு.
4. பணி - ஏவல். முடவுப் படப்பாய்ச் சுருட்டு - வளைவையுடைய படங்களையுடைய பாம்பாகிய பாயின் சுருள். பணைத்தோள் - திரட்சியையுடைய தோள். எருத்து அலைப்ப - பிடரியை வருத்த. பச்சைப் பசுங் கொண்டல் - மிகப்பசிய மேகம் போன்ற திருமால்.
பைந்தமிழ்ப் பின் சென்ற கொண்டல்: திருவெஃகாவிற் கோயில் கொண்டெழுந்தருளிய பெருமாள், “கணிகண்ணன் போகின்றான்” என்ற திருமழிசை யாழ்வார் செய்யுளைக் கேட்டுத் தம்முடைய பாயலைச் சுருட்டிக் கொண்டு அவருடம் சென்றனரென்பதொரு வரலாறு; இதன் விரிவைத் திருமழிசையாழ்வார் சரித்திரத்தால் உணரலாகும்; “ஆடரவத், தாழ்பாய லாளரைநீ தானே தொடர்ந்தாயோ, சூழ்பாயோ டுன்னைத் தொடர்ந்தாரோ” (தமிழ்விடு. 92-3.)
(முடிபு.) கலுழி அளறுசெய்ய, அணங்கரசு செல்ல, சுருட்டு அலைப்ப, மறைகள் முறையிட, சென்ற கொண்டல் அம்மனையைக் காக்க.