424. | பொன்னங் கொடிபோ னுடங்குமிடைப் | | புத்தேண் மகளிர் விளையாடப் | | புனைமா ளிகையுஞ் சூளிகையும் | | புதுக்கிக் கொடுத்தாய் பொதுஞானம் | | மெய்ந்நின் றவருள் விழிப்பாவை | | விளையாட் டயர வழியாத | | வீடுங் கொடுத்தா யெம்மனையும் | | விடுத்துச் சென்றான் மிகையுண்டோ | | பின்னுந் திரைத்தீம் புனற்கங்கைப் | | பேராற் றூற்று நறைக்கோட்டுப் | | பெருங்கற் பகத்தின் கழுத்தொடியப் | | பிறழும் வாளைப் பகடுதைத்த | | தென்னம் பழம்வீழ் சோணாடா | | சிறியேஞ் சிற்றில் சிதையேலே | | செந்நெற் பழனப் புள்ளூரா | | சிறியேஞ் சிற்றில் சிதையேலே. |
425. | கானக் குறப்பெண் குடியிருந்த | | கன்னிப் புனத்துத் தினைமாவும் | | கமழ்தேன் றெளிவு முண்டுசுவை | | கண்டா யென்றே மதுவல்லால் |
424. (அடி, 1) புத்தேள் மகளிர் - தேவசாதிப் பெண்கள். சூளிகை - உச்சியறை. சூரபன்மனை வென்று தேவரைச் சிறைமீட்டு அவர் வாழ்வை உதவியமையை நினைந்து இங்ஙனம் கூறினார்.
(1-2) பொதுஞான மெய்ந்நின்றவர் - பொதுஞானத்திலும் மெய்ஞ்ஞானத்திலும் முறையே நின்றவர்கள்; மெய் - மெய்ஞ்ஞானம். பொதுஞான நின்றவர் மெய்ந்நின்றவரென்று கூட்டிப் பொதுஞானத்தினின்றும் நீங்கினவர்களாகி மெய்ஞ்ஞானத்தின்கண் நின்றவர்க ளென்பதும் ஒன்று. உள்விழிப்பாவை - உண்முக விழியாகிய மெய்ஞ்ஞானக் கண்ணினுள் இலகும் பாவை. அது விளையாட்டயருதலாவது சிவானந்தத்தை நுகர்தல். வீடு - முத்தி; இல்ல மென்பது மற்றொரு பொருள். எம்மனை - யாம் சமைக்கும் சிற்றில்.
(3) கங்கைப் பேராற்றின்கண் ஊற்றும் தேனையும் கிளைகளையும் உடைய உடைய கற்பகம். வாளைப் பகடு - ஆண்வாளை. உதைத்த - உதைத்ததனால் உதிர்ந்த.
425. (அடி, 1) கானக் குறப்பெண் - வள்ளிநாயகியார். புனம் - தினைக்கொல்லை.
|