| மற்றையது கிளப்பின் மனையற நிரப்பி | 35 | முற்றுணர் கேள்வியின் முதுக்குறை வெய்திப் | | பொருளு மின்பமு மொரீஇ யருளொடு | | பொறையு மாற்றலு நிறைபே ரொழுக்கமும் | | வாய்மையுந் தவமுந் தூய்மையுந் தழீஇ | | ஓரறி வுயிர்க்கு முறுதுய ரோம்பிக் | 40 | காலோய் நடைய னாகித் தோலுடுத் | | தென்பெழு மியாக்கையன் றுன்புறத் துளங்காது | | வரையுங் கானு மெய்திச் சருகொடு | | கானீ ரருந்திக் கடும்பனிக் காலத்து | | மாநீ ரழுவத் தழுங்கி வேனிலில் |
இலக்கணங்களென்பது, “அருளு மன்பு நீக்கித் துணைதுறந்து” (குறுந். 21:1) என்பதனாலும் அதன் உரை முதலியவற்றாலும் விளங்கும். ஐவகை வேள்வி: பிரமம், தெய்வம், பூதம், பிதிர், மானிடம் என்னும் ஐந்துவகை வேள்விகள். வரையாநாளில் - “உச்சியம் போழ்தோ டிடையாம மீரந்தி, மிக்க விருதேவர் நாளோ டுவாத்திதிநாள், அட்டமியு மேனைப் பிறந்தநா ளிவ்வனைத்தும், ஒட்டா ருடனுறைவின் கண்” (ஆசாரக் கோவை, 43) என்று விலக்கப்பட்ட நாட்கள் அல்லாத நாட்களில். முன்னது (24) பெற்றித்து (33) என்க. அன்று, ஏ: அசை நிலைகள்.
(34-45) துறவறத்தின் இலக்கணம் கூறப்படும்.
(34) மற்றையது - துறவறம். “ஒழுக்கத்து நீத்தார்” (குறள், 21) என்பவாதலின் ‘மனையற நிரப்பி’ என்றார்.
(35) முதுக்குறைவு - பேரறிவு.
(37) ஆற்றல் - புலனைந்தின்வழிச் செல்லாத மனவலி.
(39) ஓரறிவுயிர் - மரஞ்செடிகொடிகள்.
(40) தோலுடுத்து: “தோலுடீஇ” (பு. வெ. 168); “தோஒலுடுத்தல்” (தொல். புறத். 20. ந. மேற்.)
(41) என்பெழுமியாக்கை: “என்பியக்கங் கண்டும் புறந்தரார்” (292); “என்பெழுந் தியங்கும் யாக்கையர்” (முருகு. 130.)
(42-3) கான் - காடு. ஊரடையாமை தவத்தினர் இயல்பாதலின், ‘வரையுங் கானுமெய்தி’ என்றார்; ‘கடலுங்காடும் மலையும் முதலியவற்றில் நிற்றலும்’ (தொல். புறத். 20, ந.) கால்நீர் அருந்தி - காற்றையும் நீரையும் உண்டு.
|