இது பிறதளை விரவி வந்த வெண்கலிப்பா. இதனுள் நொ எனக் குற்றெழுத்து விட்டிசைத்தவழித் தனியே நின்று முதற்கண் நேரசையாயிற்று. அவ்விட்டிசை வல்லொற்றோடு ஒத்து எதுகையாய் நடத்தலின் இது விட்டிசைவல்லொற்றெதுகை.
542. | தொடலைக் குறுந்தொடித் தோகாய்நம் பாவை |
| படலைச் சிறுமுச்சி யுச்சிப் பசுங்கிள்ளை |
| பேதைக் குழாத்தொடு நென்னற் பொழுதின்கண் |
| வீதிக்கே நின்று விளையாட் டயருங்கால் |
5 | அஞ்சனக் கண்ணாளுந் தாமு மணிதில்லைச் |
| செஞ்சடைக் கூத்தனார் வெள்விடை மேற்சேறலும் |
| உண்ணெக் குருக வெதிர்ப்பட் டுடையானைக் |
| கண்ணிற் பிணித்து மனத்திற் கொடுபுக் |
541. அடிகள் நின் - தேவரீருடைய. அடி உன்னார் - திருவடிகளை நினையாராய். நொ என - துன்பமென்று முறையிட்டு; “நொ அலைய னின்னாட்டை நீ” (யா. கா. மேற்.) கைசெய்யா - கையால் இயற்றப்படாத.
சிவபெருமானை யொழிந்த தேவர்கள் தமக்கு வந்த துன்பத்தையே நீக்கிக் கொள்ள அறியாராய்த் தம்பால் துன்பம் நீங்கும் பொருட்டு வருவோர்க்கும் உதவி செய்திலர். அங்ஙனம் இருப்பதனால் அவர், தம்பாற் சரணடைந்தோரைப் பாதுகாக்கும் குறிப்புடைய அபயவரதங்களை உடையவராயிருத்தல் பயனின்று; சித்திரத்திற்குச் செயலில்லை யாதல் போல அவர்களுடைய அபய வரதத் திருக்கோலத்திற்கும் பயனில்லை யென்றவாறு.
542. சிவபெருமான் திருவுலாவைத் தரிசித்து மால்கொண்ட தலைவியொருத்தியின் நிலையைத் தோழி கூறியது இது.
(அடி, 1-2) தொடலைக் குறுந்தொடி - மாலை போலத் தொடர்ந்த சிறு வளையினையுடையாள் (குறள், 1135.) படலை - தழை விரவித் தொடுத்த மாலை.
(3) பேதைக் குழாம் - பேதை மகளிர் கூட்டம். நென்னற் பொழுது - நேற்றைப்பொழுது.
(4) வீதிக்கே - வீதியில்; உருபு மயக்கம்.
(5) அஞ்சனக்கண்ணாள் - உமாதேவியார்.