இது தரவிணைக் கொச்சம்.
-தரவு-
546. | மறைதங்கு திருமன்றி னடங்கண்டு மகிழ்பூத்துக் |
| கறைதங்கு படவரவ மிமையாது கண்விழிப்பக் |
| குறைதங்கு கலைநிறையிற் கோளிழைக்குங் கொல்லென்று |
| நிறைதங்கு தலையுவவு நிரம்பாது நிரப்பெய்தும் |
| பிறைதங்கு சடைக்கற்றைப் பெரும்பற்றப் புலியூரோய். |
(2) மீனேற்றின் துவசத்தான் - மன்மதன். ஆனேற்றின் துவசம்; இன்: வேண்டாவழிச் சாரியை. கான் - காடு பைங்கூழின் கவளமா - பசும் பயிராகிய உணவாக. தருமதேவதையாகிய இடபம் துவசமாகவும் திருமால் வாகனமாகவும் இருத்தலை நினைந்து இங்ஙனம் கூறினார். எனவாங்கு என்பது தனிச்சொல்.
பைந்துழாய் மவுலிப் பண்ணவன் - திருமால். உலகை உண்டவராதலின் அவர் உவந்தார். பழிச்ச - வாழ்த்த. அறத்தின் புங்கவன் - கொடியாக உள்ள தருமதேவதை. மனியான் முனிவன் போலும் - சினங்கொள்ளாதவனாயினும் சிறிதே சினங்கொள்வான் போலும்; போலுமென்றது ஐயத்தைக் குறித்தது. அனையது - அங்ஙனம் முனிதல். ஆன்றோர் கடன் அன்று; ஆதலின், முனியானென்க.
கொடியும் ஊர்தியுமாக உள்ளார் இருவரையும் புகழாமல் ஊர்தியை மாத்திரம் புகழ்தலின் அறக்கடவுள் முனிதற்குக் காரணமுளதாயிற்று. அங்ஙனம் முனிதல் ஆன்றோர் கடனன்றாதலின் அதனை யொழிந்தனனென்பது கருத்து.
546. (தரவு.) படவரவமென்றது பதஞ்சலியை தலையுவவு நிரம்பாது - பூர்ணிமைக்குரிய முழு உருவத்தையும் பெறாமல். நிரப்பு - கலை குறைதலாகிய வறுமை.