நிலைமண்டில வாசிரியப்பா 575. | முற்படு மாயை முதற்கரை நாட்டிற் | | பற்பல புவனப் பகுதி பற்றி | | ஈரிரு கண்ணாற் றெழுதரம் வகுத்த | | ஆறே ழிரட்டி நூறா யிரத்த | 5 | செயற்படு செய்களி னுயிர்ப்பயி ரேற்றி | | ஊழெனப் பட்ட தாழ்புனற் படுகரிற் | | றெய்விக முதலாச் செப்புமும் மதகும் | | ஒவ்வொரு மதகா யுடனுடன் றிறந்து | | தாக மென்னுந் தனிப்பருங் காலிற் | 10 | போக மென்னும் புதுப்புனல் கொணர்ந்து | | பாயுமைம் பொறியாம் வாய்மடை திறந்து | | பருவம் பார்த்து வரன்முறை தேக்கலும் | | இதத்துட னகித மெனுமிரண் டூற்றிற் | | புதுப்புனல் பெருகிப் புறம்பலைத் தோட | 15 | வார்புன லதனை மந்திர முதலா | | ஓரறு வகைப்படு மேரிக ணிரப்பி | | விளைவன விளைய விளைந்தன வறுத்தாங் |
575. இச் செய்யுளின் முற்பகுதியில் ஞானாசிரியரை உழவனாக உருவகம் செய்கின்றார்.
(அடி, 1) முற்படு மாயை - சுத்த மாயை. முதற்கரை நாட்டில் - முதலாகச் சொல்லப்பட்ட நாடுகளில்; என்றது சுத்தமாயை; அசுத்தமாயை, பிரகிருதி மாயையென்னும் மூன்றன் புவனங்களையும். (பி-ம்.) ‘முற்படு வையம்’.
(3) ஈரிரு கண்ணாறு - அண்டச முதலிய நால்வகைத் தோற்றமாகிய கண்ணாறு; கண்ணாறென்பது வயல்களுக்குப்பாயும் பெரிய வாய்க்கால்; “ஆறுபுனல் பாய்வனக்கண் ணாறுபணை தோறும்” (திருக்குற். நாட்டுச். 38). எழுதரம் வகுத்த - எழுவகைப் பிறப்பாகிய வரிசையாக வகுக்கப் பெற்ற; தரமென்பது வயல்களின் தகுதிக்கேற்பப் பிரிக்கும் ஒருவகைப் பிரிவு; வழக்கு.
(4-5) எண்பத்து நான்கு லட்சம் யோனிபேதங்களாகிய வயல்களில். செய் - வயல்.
(6) படுகர் - நீர்நிலை.
(7-12) தெய்விகம் முதலிய மூன்றாவன ஆதிதெய்விகம், ஆதிபௌதிகம், ஆதியாத்மிகமென்பன. தாகம் - ஆசை. கால் - வாய்க்கால். போகம் - இன்பதுன்ப அநுபவம்.
(13-9) இதம் - விருப்பு. அகிதம் - வெறுப்பு. மந்திரம் முதலாகிய ஆறு ஏரிகளாவன ஆறு அத்துவாக்கள். விளைவன - ஆகாமியம் விளைந்தன - பிராரத்தம்.
|