| அவகர ணங்களே யல்லமற் றம்ம 30. | சிவகர ணங்களாய்ந் திரிந்தன வன்றே, அதனாற் | றிரிகர ணங்களெள் றுரைசெயு மப்பெயர் | ஒருபொருட் களவியெல் லோர்க்கும் | இருபொருட் கிளவியா யிருந்ததின் றெனக்கே. | | | | |
நேரிசை வெண்பா 588. | எற்கமலஞ் செய்யு மெழின்மாசி லாமணிதன் | பொற்கமலஞ் சென்னி பொலிவித்தேன் - நற்கமலை | ஊரிற் குறுகினே னோர்மாத் திரையளவென் | | | | |
கட்டளைக் கலித்துறை 589. | பின்னம் கடைத்த சமய விரோதப் பிணக்கறுத்தோர் | சின்னம் படைத்த முனிமாசி லாமணிச் சித்தரியாம் | இன்னம் படைத்தவரேது பெறாரமு திங்கெமக்கென் | றன்னம் படைத்தவர் பெற்றார் புவன மடங்கலுமே. | | | |
(29) அவகரணங்கள் - வீண்செயலைச் செய்யும் கரணங்கள்.
(31-3) திரிகரணங்களென்பது மூன்று கரணங்களென்னும் ஒரே பொருளைத் தருவதாகிப் பிறர் திறத்தே வழங்குகின்றது; என்பால் அச்சொல், பழைய இயல்பு மாறித் திரிந்தவையாதலின் திரிந்த கரணங்களென்று மற்றொரு பொருளும் பெற்று இரு பொருட் கிளவியாகி நின்றது.
588. அமலம் - மலமற்ற தன்மையை. ஊரிற் குறுகினேன் - ஊரையடைந்தேன். என்பே ரென்றது சீவனென்பதை. அஃது ஒரு மாத்திரை குறைந்ததாவது சிவன் என்பது; சிவமானே னென்றபடி; மலமறுத்துச் சிவமாக்கி யருளினாரென்று கொள்க; “சித்தமல மறுவித்துச் சிவமாக்கி யெனையாண்ட, அத்தன்” (திருவா. அச்சோ.) இதில் மாத்திரைச் சுருக்கமென்னும் அணி அமைந்துள்ளது.
589. இச்செய்யுள் கலம்பகங்களில் வரும் சித்து என்னும் உறுப்பைப் போன்றது; ஒரு சித்தர் இரு பொருள்படக் கூறும் கூற்றாக அமைந்தது. பின்னம் - வேறுபாடு. பிணக்கு அறுத்து ஓர் சின்னம் படைத்த; சின்னம் - வெற்றிக்கு அடையாளம்; காகளமுமாம். மாசிலாமணியின் அருள்பெற்ற சித்தர். எமக்கு அமுது என்று இங்கு அன்னம் படைத்தவர் புவன மடங்கலும் பெற்றார் - எமக்குரிய அமுதமாமென்று கூறி இங்கே சோற்றை இட்டோர் அதன் பயனாக உலக முழுவதும் பெற்றார்; அன்னப் பறவையை வாகனமாகப் பெற்ற பிரமதேவர் உலகமுழுவதும் சிருட்டி செய்தாரென்பது இயல்பான பொருள். இன்னம் படைத்தவர் - இன்னும் அன்னம் படைத்தவர். ஏது பெறார் - என்ன பயனைப் பெற மாட்டார்?
|