| சிலைமதனைக் கண்ணழலாற் செற்றனரே யாமாகின் | | மலைமகட்குப் பாகம் வழங்குவதே னம்மானை | | வலங்காரோ வப்பாலு மாலானா லம்மானை. |
கட்டளைக் கலித்துறை 633. | அம்மனை தம்மனை யாத்திருக் கோயி லவிமுத்தமா | | எம்மனை யாய்த்தந்தை யாயிருந் தாரடிக் கீழிறைஞ்சீர் | | நம்மனை மக்களென் றேக்கறுப் பீருங்க ணாளுலந்தாற் | | சொம்மனை வைத்தெப் படிநடப் பீர்யமன் றூதரொடே. |
கட்டளைக் கலிப்பா 634. | தூது கொண்டுந் தமைத்தோ ழமைகொண்ட | | தொண்டர் தண்டமிழ்ச் சொற்கொண்ட குண்டலக் | | காது கொண்டெங் கவிதைகொண் டாட்கொண்ட | | காசி நாதர் கருத்தே தறிகிலேம் |
பாலும் மாலாயிருதால் வழங்காரோவென்பது மூன்றாமவளின் விடை. அவ்விடை இரு பொருளுடையது; மன்மதனை யெரித்த பின்னும் காம மயக்கமுடையவராயின் என்று பொருள்பட்டு வினாவுக்கேற்ற விடையுடையதாயிற்று; அந்த பக்கமும் திருமாலானா லென்பது இயல்பான பொருள். சிவபெருமான் தம் ஒரு பாதியில் திருமாலைக் கொண்டிருப்பதை நினைந்து கூறினாள்.
633. அம்மனை - உலகிற்குத் தாயாகிய உமாதேவியார் (82). தம்மனையா - தம்முடைய தேவியாக. எம் அன்னையாயும் தந்தையாயும் இருந்தார்; அப்பனீ யம்மை நீ” (தே.) இருந்தவர் அகிலேசர். அவரது அடியின் கீழ். ஏக்கறுப்பீர் - அவர்களிமீதுள்ள ஆசையால் ஈடுபட்டு நிற்பீர்; “உடையார்முன் னில்லார்போ லேக்கற்றுங் கற்றார்” (குறள், 395, பரிமேல்.) நாள் உலந்தால் - வாழ்நாள் முடிவுபெற்றால். சொம் - சொத்துக்களை (361 : 2.)
634. தொண்டர் - சுந்தரமூர்த்தி நாயனார்; அவருக்கு வழங்கும் ‘தம்பிரான் தோழர்’ என்னும் திருநாமமும், “ஏழிசையா யிசைப்பயனா யின்னமுதா யென்னுடைய, தோழனுமாய்” (தே. சுந்தர.) என்னும் அவர் வாக்கும் இங்கே அறிதற்குரியன. குண்டலக்காதென்ற அடைமொழி குண்டலங்களாகவுள்ள கம்பளாசுவதரரது இசையைக் கேட்கும்
|