691. | குருகை விடுத்தா ளெனக்குருகே | கூறாய் சுகத்தை விடுத்தாளென | றருகு வளருஞ் சுகமேசென் | றறையாய் நிறைநீர் தெரிந்துபால் | பருகு மனமே யனம்விடுத்த | படிசென்று றுரையாய் படிவருளத் | துருகு பசும்பொன் மதிற்காசி | யுடையார் வரித்தோ லுடையார்க்கே. | | | | | | | |
692. | உடுத்த கலையு மேகலையு | மொழுகும் பணியும் விரும்பணியும் | தொடுத்த வளையுங் கைவளையுந் | துறந்தா ளாவி துறந்தாலும் | அடுத்த துமது பரந்தாம | மதனா லிதழிப் பரந்தாமம் | விடுத்து விடுவா ளலளெனப்போய் | விளம்பீர் காசி வேதியர்க்கே. | | | | | | | |
691. தலைவி பறவைகளைத் தூதுவிடுதல்.
குருகு - வளையல். குருகே - நாரையே. சுகத்தை விடுத்தாள் - இன்பத்தை நீத்தாள். சுகமே - கிளியே. அனமே - அன்னப் பறவையே. அனம் விடுத்த படி - சோற்றை உண்ணாமல் நீத்த திறத்தை. படிவர் உளத்து - தவவேட முடையார் உள்ளத்தைப் போல. வரித்தோல் உடையார்க்கு - புலித்தோலாகிய உடையையுடைய அகிலேசருக்கு.
692. தோழி கூற்று. உடுத்த கலை - ஆடை. ஒழுகும்பணி - செய்யும் வேலை. விரும்பு அணி - இதுகாறும் விரும்பிநின்ற ஆபரணம். தொடுத்தவளை - இசையோடு தொடுத்த வள்ளைப்பாட்டு; வளை: இடைக்குறை. உமது பரந்தாமம் அடுத்தது; பரந்தாமம் -முத்தி. இதழிப்பரந்தாமம் - கொன்றையாகிய மேலான மாலை. கொன்றை மாலையை இவளுக்குக் கொடாமல் இருக்கும் நினைவுண்டேல் அது கூடாத செயல்: இப்போது நீர் கொடாவிட்டாலும் அது காரணமாக இவள் உயிர் துறந்தால் சாரூபம் பெற்று அம்மாலையைப் பெறுவாள்; எங்ஙன மாயினும், இவள் கொன்றைமாலையைப் பெறுதல் ஒருதலை.
|