நேரிசை வெண்பா 7. | கடம்பவன வல்லிசெல்வக் கர்ப்பூர வல்லி | மடந்தை யபிடேக வல்லி - நெடுந்தகையை | ஆட்டுவிப்பா ளாடலிவட் காடல்வே றில்லையெமைப் | பாட்டுவிப்ப துங்கேட் பதும். | | | |
கட்டளைக் கலித்துறை 8. | பதுமத் திருவல்லி கர்ப்பூர வல்லிநின் பாதபத்ம | மதுமத் தொடுந்தம் முடிவைத்த வாமது ரேசரவ | ரிதுமத்தப் பித்துமன் றேழைமை முன்ன ரிமையவர்கைப் | புதுமத் தினைப்பொற் சிலையென் றெடுத்த புராந்தகர்க்கே. | | | |
நேரிசை வெண்பா 9. | தகுமே கடம்பவனத் தாயேநின் சிற்றி | லகமேயென் னெஞ்சகம தானான் - மகிழ்நரொடும் | வாழாநின் றாயிம் மனையிருண்மூ டிக்கிடப்ப | தேழாய் விளக்கிட் டிரு. | | | |
“முருகுயிர்க்கு நறுந்தெரியன் மொய்குழலின் மையுண்கட், பொருகயற்குன் றிருமேனி புதுவெள்ளப் புணரியே” (குமர. 537). வெள்ளிமன்று - மதுரையிலுள்ள வெள்ளியம்பலம்.
7. அபிடேகவல்லி: (குமர. 2). நெடுந்தகையை - சிவபெருமானை. சிவபெருமான் ஐந்தொழினடனம்புரிதற்கு அவரது திருவருளே காரணமாதலின், அத்திருவருளாகிய அம்பிகையை ஆட்டுவிப்பாளென்றார்; “சிவமெனும் பொருளுமாதி சத்தியொடு சேரி னெத்தொழிலும் வல்லதாம், அவள்பி ரிந்திடினியங்கு தற்கு மரிது” (சௌந்தரியலகரி, 1) என்பதுங் காண்க. ஆடல் ஆட்டுவிப்பாள். எம்மைப் பாடச்செய்வதும் அதனைத்தான் கேட்பதுமின்றி வேறு திருவிளையாட்டுத் தனக்கில்லை.
8. பதுமத்திருவாகிய வல்லி. வல்லி: அண்மை விளி. மதுமத்து - ஊமத்தை. அதனோடு நின்பாத தாமரையை வைத்தது என்ன ஆச்சரியம். இது மத்தப் பித்தும் அன்று - இது மனமயக்கத்தால் வந்த பித்தும் அன்று. ஏழைமை - அறியாமை. மத்தென்றது மேருமலையை. புராந்தகர்க்குப் பித்தும் அன்று; ஏழைமை யென்க. புராந்தகரென்றது மத்தை வில்லாக எடுத்த செயற்குக் காரணமாகிய திரிபுர சங்காரத்தை நினைப்புறுத்தியது. அங்ஙனம் எடுத்த அது பயன்பட்டிலது.
9. என் நெஞ்சகம் நின் சிற்றிலகமானால். இம்மனை இருள் மூடிக்கிடப்பது; ஆதலின், இதன்கண் விளக்கிட்டு இருக்க வேண்டும். இருள் - அறியாமை. ஏழாய் - பெண்ணே. விளக்கு - ஞானம். ‘வீட்டில் விளக்கு
|