26. | முந்நாழி முச்சிறங்கை நெல்லளந்து கொடுவா | முறத்திலொரு படிநெல்லை முன்னேவை யம்மே | இந்நாழி நெல்லையுமுக் கூறுசெய்தோர் கூற்றை | யிரட்டைபட வெண்ணினபோ தொற்றைபட்ட தம்மே | உன்னாமுன் வேள்விமலைப் பிள்ளையார்வந் துதித்தா | ருனக்கினியெண் ணினகரும மிமைப்பினிற்கை கூடும் | என்னாணை யெங்கள்குலக் கன்னிமா ரறிய | வெக்குறிதப் பினுந்தப்பா திக்குறிகா ணம்மே. | | | | | | | |
அறுசீர்க் கழிநெடிலடி யாசிரியவிருத்தம் 27. | நெல்லளந் திட்ட போது நிமித்தநன் றிடத்தெ ழுந்த | பல்லியும் வரத்தே சொல்லும் பத்தினிப் பெண்கள் வாயாற் | சொல்லிய வாய்ச்சொ லன்றித் தும்மலு நல்ல தேகாண் | அல்லது கிளைகூட் டும்புற் றாந்தைவீச் சழகி தம்மே. | | | |
எண்சீர்க் கழிநெடிலடி யாசிரியவிருத்தம் 28. | கொண்டுவா வம்மேகை கொண்டுவா வம்மே | கொழுங்கனக நவமணிக ளளைந்திடுமுன் கையே | வண்டுசுலா மலர்கொய்ய வருந்திடுமுன் கையே | வருந்தினர்க்கு நவநிதியுஞ் சொரிந்திடுமுன் கையே | புண்டரிகம் பூத்தழகு பொலிந்திடுமுன் கையே | புழுகுறுநெய்ச் சொக்கர்புயந் தழுவிடுமுன் கையே | அண்டர்தநா யகியெங்கண் மதுரைநா யகியை | யங்கயற்கண் ணாயகியைக் கும்பிடுமுன் கையே. | | | | | | | |
26. சிறங்கை - சிறு அங்கை யென்பதன் மரூஉ; உள்ளங்கையளவு. ஒற்றை பட்டது: “உதயமான சுளகு நெல்லு மொற்றை பட்டதாதலால்” (அருணைக்கலம். 50).
27. வரத்தே - வரவையே. வாய்ச்சொல்: இதனை விரிச்சியென்பர். தும்மலுநல்லது; “தும்மலுநல் வரத்தேகாண்” (குமர. 181). புற்றின் மேலுள்ள ஆந்தை. வீச்சு - குரல்.
28. அளைந்திடும் - பயிலும்.
|