முகப்பு

பக்கம் எண் :

தொடக்கம்

9. திருவெங்கைக்கோவை பெருமகளுரைத்தல் வினைக்கூறு செய்தன் றிருவடித் தாமரை மேவுறவென் தனைக்கூவு மையர் திருவெங்கை வாணர் தடஞ்சிலம்பில் முனைக்கூ ரயில்விழி யாயின்று காறு முதல்வருடன் எனைக்கூ றிடுமல ரேதுணை யாக விருந்தனனே. (372) தலைவனைப் பாங்கி வரையுநாளளவுநிலைபெறவாற்றிய நிலைமைவினாதல் வேலை தருவிட முண்டோன் றிருவெங்கை வெற்பிலெழு காலை யிரவி யனையாயெவ் வாறு கனலிமுனஞ் சோலை யிளமயி லன்னாள் கழுத்திற் சுரும்புமுரல் மாலை யிடுமள வும்பொறுத் தாய்மலர் வாளியையே. (373) மன்றன்மனைவரு செவிலிக் கிகுளை யன்புறவுளர்த்தல் இலரு முளரு மலர்வெங்கை வாண ரிமயவெற்பில் அலரு மலரு மலர்த்துவெய் யோனுமன் றொன்றற்கொன்று மலரு மிருபொரு ளுண்டாயின் மங்கைக்கு மன்னவற்கும் பலரு மிசையவொப் பாகுமன் னேயிப் படியகத்தே. (374) பாங்கியில்வாழ்க்கை நன்றென்று செவிலிக்குரைத்தல் பல்லற மாற்றியு மெல்லா மொருங்கு படத்துறந்தோர் நல்லற மாற்றுந் துணையாக வும்பெறு நன்மையினால் அல்லற மாற்றுங் களத்தார் திருவெங்கை யாரணங்கின் இல்லற மாற்றவு நன்றெனு மாலிவ் விருநிலமே. (375) 372. வினை-நல்வினை, தீவினை. ஊறுசெய்தல்-கெடுத்தல். தீவினையையேயன்றி நல்வினையையுங் கெடுத்தல் எற்றுக்கெனின் இருவினைகளுமே பிறவிக்குக் காரணமாதல் பற்றியென்க. கூவுதல்-வலிந்தழைத்தல். 373. கனலி-தீ: வினையாலணையும் பெயர். கனலல்-சுடுதல். முரலல்-ஒலித்தல். பொறுத்தல்-ஆற்றியிருத்தல். 374. இலரும்-இல்லாதவரும். உளரும்-உள்ளவரும். அலரும் அலரும்-மலர்கின்ற மலரும். படி-உலகம். இசைய-உடன்பட. 375. ஒருங்கு பட-ஒருமிக்க. பல்லறம்-இல்லறத்தார்க்குரிய முப்பத்திரண்டறங்கள்.

முன் பக்கம்

மேல்

அடுத்த பக்கம்