முகப்பு பக்கம் எண் :
தொடக்கம்
4. பழமலையந்தாதி
இலங்கு மரியு மருள்கோன் முதுவெற் பிடத்துரற்கால்
விலங்கு மரியு முழலலெல் லாமுன்னி வெய்துயிராக்
கலங்கு மரியு மிருந்துயர் கூருங் கலுழ்ந்திடுந்தாய்க்
குலங்கு மரியு மொருவனும் போகுங் கொடுஞ்சுரத்தே.
(39)
கொடுவரி யானை யடர்ந்துறு மாறெனக் கொண்டுயர்தூ
ணொடுவரி யாநை யுறவடிப் போமென் றொருங்குவந்தே.
அடுவரி யானை நிகர்நமன் றூத ரடிமுடிமன்
நடுவரி யானை முதுகுன்றொ டேசு நரர்தமையே.
(40)
நரகா வலர்மட வார்க்கள் ளுருகிக்கைந் நாவிருப்ப
அரகா வலர்புனைந் துன்றனை யேத்தில ராய்ந்தறிவால்
உரகா வலரென வுய்ந்தா ரினமுள முற்றகுன்றைப்
புரகா வலரி லருட்கோயி லாகும் புராந்தகனே.
(41)
புரந்தா னஞ்சு பழமலை வாணன் புலவர்தொழுந்
துரந்தர னஞ்சு தலைநாக கங்கணன் றொண்டுறுமால்
நிரந்தர நஞ்சு தொழுதேத்து தாதர்க்கு நேயமொடு
வரந்தர நஞ்சு களத்துவைத் தானென்பர் மாதவரே.
(42)
மாதரைக் கொன்றுவ ரம்மேனி வைத்தவ மாசுணத்தை
ஈதரைக் கொன்று சிறுநாணென் றார்க்கு மெழிலுடையாய்
நீதரைக் கொன்று நலஞ்செயல் வேண்டு நினையிகழும்
வாதரைக் கொன்று முதுகுன்ற மாநகர் மாசொழித்தே.
(43)
39. அரி-திருமால். மருள் கோன்-மயங்கா நின்ற இறைவன். உரல் கால் விலங்கு-யானை. அரி-சிங்கம். உழலல்-திரிதல். வெய்து உயிரா-பெருமூச்சுவிட்டு. மரியும் இருந்துயர்கூரும்-இறத்தற்கேதுவாகிய மிகுந்த துன்பத்தையடையும். கலுழ்ந்திடும்-கண்ணீர்விட்டழும். 40. கொடு வரி-புலி. ஆன்-பசு. அடர்ந்துறும் ஆறுஎன-நெருங்கிப் பிடித்துக்கொண்டு போவதைப் போல. வரியா-பிணித்து. அடுவர்-கொல்லுவார்கள். அரியானை-அறிதற்கரியவனை. ஏசும் நரர்-இகழும் மனிதர்கள். 41. நரகு ஆவலர்-நிரயத்தில் விருப்பம் உடையவர். காஅலர்புனைந்து-பொழிலில்உள்ள மலர்களைச்சூடி. அரஏத்திலர்-சிவனே என்று போற்றவில்லை. ஆய்ந்த அறிவு-ஆராய்ச்சி செய்த நல்லறிவு. உரகா-பாம்பணியை உடையவனே! அலர்-விளங்குவாயாக ! இனம் உளம்-மெய்யறிவாளரின் உள்ளத்தில். குன்றைப்புர-பழமலைநாதரே! 42. புரந்தரன்-இந்திரன். துரந்தரன்-சுத்தவீரன். தொண்டு உறும்மால்-தொண்டு பூண்டொழுகுந் திருமால். நிரந்தரம்-எப்பொழுதும். நஞ்சு-மனமுருகி. தாதர்-அடியவர். களத்து-கழுத்தில். 43. மாதரை கொன்துவர் அம்மேனிவைத்தவ-கங்கை உமை என்னுந் தேவிமார்களைப் பெருமை தங்கிய பவளம் போலும் அழகிய திருமேனியில் வைத்தவரே! அரை-இடை. மாசுணத்தை ஆர்க்கும்-பாம்பைக்கட்டும். வாதர்-வாதம்புரியுந் தீயோர். மாசு-குற்றம். தரை-உலகம். ஒன்றுநலம்-ஒருநன்னெறியை.
முன் பக்கம் மேல் அடுத்த பக்கம்