"நினைந்துருகும் அடியாரை நைய வைத்தார்
	நில்லாமே தீவினைகள் நீங்க வைத்தார்
	சினந்திருகு களிற்றுரிவைப் போர்வை வைத்தார்
	செருமதியின் தளிர்வைத்தார் சிறந்து வானோர்
	இனந்துருவி மணிமகுடத் தேறத் துற்ற
	இமையவர்கள் போதவிழ்ந்து மதுவாய்ப் பில்கி
	நனந்தனைய திருவடியென் தலைமேல் வைத்தார்
	நல்லூரெம் பெருமானார் நல்ல வாறே."
	- 6. 14 - 1.

	"சைவ சமயஞ் சமயமெனில் அச்சமயத்
	தெய்வம் பிறைசூடுந் தெய்வமெனில் - ஐவரைவென்
	றானந்த வின்பில் அழுந்துவது முத்தியெனில்
	வானங்காள் பெய்ம்மின் மழை."

	"தாயுமா னச்செல்வர் தந்த தமிழ்மணிகள்
	ஆயின்சித் தாந்த அருள்விளக்கம் - நோயின்றாம்
	மாயைவினை வாயிலின்பாம் வாழ்க மலரடிகள்
	வாய்மைச்சித் தாந்தம்வாழ்க."