முதலொலியாகிய நாதத்தை இயக்குவிக்கும் திருவருள் ஒலி, இவ்வொலி உணர்விலுறுவதன்றி உறுப்பிலுறுவதன்று. மேலும் இஃது உன்னாமல் உன்னும் உரைமந்திரம்; இஃது உடலினின்று வெளிப்போந்த உயிரினை மீண்டும் வருவித்து அவ்வுடலை எழச்செய்வதாம்.

     அசபா உண்மையினை வருமாறுணர்க :

	"போற்றுகின் றேன்புகழ்ந் தும்புகல் ஞானத்தைத்
	தேற்றுகின் றேன்சிந்தை நாயகன் சேவடி
	சாற்றுகின் றேன்அறை யோசிவ யோகத்தை1
	ஏற்றுகின் றேன்நம் பிரான்ஓர் எழுத்தே."
	- 10. 864.

     குறிக்கோளுடன் வாழ்தல் வேண்டும். அக் குறிக் கோளினையும் முதல்வரே உணர்த்தியருள வேண்டும். அவ்வுண்மை வருமாறு :

	"பாலனாய்க் கழிந்த நாளும் பனிமலர்க் கோதைமார்தம்
	மேலனாய்க் கழிந்த நாளு மெலிவொடு மூப்புவந்து
	கோலனாய்க் கழிந்த நாளும் குறிக்கோளி லாதுகெட்டேன்
	சேலுலாம் பழன வேலித் திருக்கொண்டீச் சரத்துளானே."
	- 4. 67 - 9.

	"கருவ னேகரு வாய்த்தெளி வார்க்கெலாம்
	ஒருவ னேயுயிர்ப் பாயுணர் வாய்நின்ற
	திருவ னேதிரு வீழி மிழலையுள்
	குருவ னேயடி யேனைக் குறிக்கொளே."
	- 5. 13 - 5.

(6)

ஆரா ரெனக்கென்ன போதித்தும் என்னஎன்

அறிவினை மயக்கவசமோ

அண்டகோ டிகளெலாங் கருப்பஅறை போலவும்

அடுக்கடுக் காஅமைத்துப்

பேராமல் நின்றபர வெளியிலே மனவெளி

பிறங்குவத லாதொன்றினும்

பின்னமுற மருவாது நன்னயத் தாலினிப்

பேரின்ப முத்திநிலையுந்

1.	'உணர்வினேர்பெற'. 12. சம்பந்தர் - 161.