நாயகன் எல்லா ஞானத் தொழின்முதல் நண்ண லாலே
	காயமோ மாயை யன்று காண்பது சத்தி தன்னால்."
	சத்தி - திருவருள்; மூதறிவு. - சிவஞானசித்தியார், 1. 2 - 13.

     ஏனைத் தேவர் அனைவர்களும் பிறந்திறக்கும் பெற்றியர் என்னும் உண்மையினை வருமாறு காணக்:

	"நூறு கோடி பிரமர்கள் நொந்தினார்
	ஆறு கோடி நாராயண - ரங்ஙனே
	ஏறு கங்கை மணலெண்ணி லிந்திரர்
	ஈறி லாதவன் ஈசன் ஒருவனே."
	- 5. 100 - 3.

     இறைவன் ஆருயிர்களின் மாட்டு வைத்த அந்தண்மையால் உடனாய் நின்று, செவ்வி நோக்கி அறிவித்தருளுகின்றனன். எந்த நிலையிலும் அவன் அறிவித்தருளாவிட்டால் ஆருயிர்கள் ஏதும் அறியா. இவ்வுண்மை வரும் தனித்தமிழ்ச் சிவஞானபோத முழுமுதல் நூலான் உணர்க:

	"அறிவிக்க அன்றி அறியா உளங்கள்1
	செறியுமாம் முன்பின் குறைகள் - நெறியிற்
	குறையுடைய சொற்கொள்ளார் கொள்பவத்தின் வீடென்
	குறைவில்சகன் சூழ்கொள் பவர்க்கு."
	- சிவஞானபோதம், 8. 2 - 2.

மேலும் வரும் செந்தமிழ்த் திருமாமறை முடிபானுமுணர்க:

	"அறிவி லாதவெ னைப்புகுந் தாண்டுகொண் டறிவதை யருளிமேல்
	நெறியெ லாம்புல மாக்கிய எந்தையைப் பந்தனை அறுப்பானைப்
	பிறிவி லாதஇன் னருள்கள்பெற் றிருந்துமா றாடுதி பிணநெஞ்சே
	கிறியெ லாம்மிகக் கீழ்ப்படுத் தாய்கெடுத் தாயென்னைக் கெடுமாறே."
	- 8. திருச்சதகம், 32.

(2)

ஆராயும் வேளையில் பிரமாதி யானாலும்

ஐயவொரு செயலுமில்லை

அமைதியொடு பேசாத பெருமைபெறு குணசந்த்ர

ராமென இருந்தபேரும்

நேராக வொருகோபம் ஒருவேளை வரஅந்த

நிறைவொன்று மில்லாமலே

நெட்டுயிர்த் துத்தட் டழிந்துளறு வார்வசன

நிர்வாக ரென்றபேரும்

1.	எண்ணறிதாய். சிவப்பிரகாசம், 19.