| | கைக்கூலி
|
| | ஈந்தோர்க்கெலாம் கைக்கூலி ஏற்போன் பிள்ளை |
| 255 | பெற்றவன் கைப்பொருள் பிள்ளைக் கேயலான்
மற்றவர்க் கிலையெனன் மனுவி னீதியாம்
குற்றமே விடநிதி கோடி பேர்கையிற்
பற்றுவோ னவர்க்கெலாம் பாலன் போலுமே. |
|
| | பெற்றவர் பொருள் பிள்ளைகளுக்கே உரிமை என்பது மனுமுறை. கைக்கூலி பெறுவான் பாவம் பெருகக் கோடி பேர் கையில் பொருள் ஏற்கின்றான். ஆயின், அவன் அக் கோடிபேருக்கும் பிறந்தவன் ஆவான் போலும். |
| |
மனு-சட்டம் வகுக்கும் வேந்து. நீதி-முறைமை. குற்றம்-பாவம். நிதி-பொருள். | | | 9 |
| | வேறு |
| | மானமழியாது தொண்டுசெய்து வாழ்வதே மதிப்பு |
| 256 | மண்டலீ கன்றன் தண்டனை நரகவ மானங்
கண்டபேர்க் கெலாம் பயம்பெரும் பகையொடும் கவ்வை
பண்ட மிவ்வகை யீட்டலின் அனுதினம் பலரை
அண்டி மானமாத் தொண்டுசெய் துயிருயல் அழகே. |
|
| | கைக்கூலி வங்குதலால் இம்மையில் மன்னர் ஒறுப்பு, மதிப்பின்மை, யாரைக் காணினும் நடுக்கம், ஊர்ப்பகை, நீங்காத்துன்பம் நாளும் பெருகும். மறுமையில் இருளுலகத் துன்பமும் எய்தும். இவற்றைவிட்டுப் பலரையும் அடுத்து மானமழியாது இயன்ற தொண்டு செய்து வாழ்தல் அழகாகும். |
| | மண்டலீகன்-மன்னன். நரகு-இருளுலகம். கவ்வை-துன்பம். |
| | 10 |
| | வேறு |
| | இருகையும் கைக்கூலி ஏற்றல் முழுக்கொள்ளை |
| 257 | இருவ ரிடத்தும் விவாதநிதிக்
கிரட்டி கொள்வர் தகாதென்னின்
அருமை சயமென் பார்தோல்வி
யடைந்தோன் தந்த நிதிகேட்பின் |
|