கழுத்தில் இருப்பு வளையம் மாட்டித் துன்புறுத்துவாரைப் போலவும், தோட்டியைச் சுமந்து துன்புற்றழியும் யானை போலவும், உலகில் முன்வினைக்கீடாகப் பல வருத்தப்படும் மக்கள் பொறாமைத் துன்பத்தை வேறாகக்கொண்டும் வருந்துவர்.

நெஞ்சமே! நீ வருந்திக் கவி பாடினும் அக்கவியின்கண் காணப்படும் கற்பனை நயங்களெல்லாம் முன்னோர் பாடியனவே அன்றிப் புதிது ஒன்றுமின்று. முன்னுள்ள நூலும் பலவாகும். அவை எல்லாந் தந்ததும் நீயன்று. எல்லாங் கற்று முணர்ந்ததுமில்லை. உன்னைவிடக் கூடக் கற்றவரும் பலருளர். அதனால் கல்வியால் செருக்குதல் தக்கதன்று.