விண்ணிலே படர்ந்து செல்லும் ஞாயிறு என்னும் மக்கள் வாழ்நாளாகிய அகவையைக் கணக்கெடுப்போன், தான்தோன்றுவதன் முன்னம் மக்கள் எழுதல்வேண்டும். அப்படி எழாதவர்களை அவன் தன்னுடைய ஆயிரங் கதிர்க் கைகளால் தட்டி எழுப்புவன். உடன் ஏன் என்று எழாதவர்களின் அகவையைக் குறைத்து எழுதிக்கொள்வான். காலன் அக்கணக்கைப் பார்த்து மக்களுயிரைக் கொண்டுபோக நெருங்குவான்.

பெருகுபுகழ் மிகுந்த திருவள்ளுவநாயனார் `உறங்குவது போலுஞ் சாக்காழு டென்று அருளினர். அவ் வருண்மொழியில் `போலும்ழு என்னும் திருமொழியில்லாமலே பொருள் பொருந்தும். அதனால், அம்மொழி கூடுதல் ஆம். உடம்பைப் பொருந்தும் சிறுதுயில் இல்லாமல் ஏற்கும் பெருந்துயிலே எமன் பொருந்தும் சாவு என வகைப்படுத்திச் சொல்லுதல் முறைமையாம்.