உணவின்றிச் சிலநாட்கள் பட்டினி யிருந்தாலும் நலமே உண்டாகும். வயிறு செரியாதிருக்கும்போது உண்ணும் தீனி நீங்கா நோயினைத் தரும். அந்நோய் நீங்குவதற்குப் பொடி முதலிய மருந்துகள் கிடையா. உண்மையாக அந்நோய் நீங்குவதற்குப் பட்டினி கிடத்தலே மருந்தாம். இதனால், காரண காரியங்களை அறிந்துணர்ந்து அளவாக உண்பவர் அறிவுடையோராவர்.

வயிறு ஏற்றுக்கொள்ளும்படியாகச் சோறு உண்டவனை அச்சோறு தாங்கும். வயிறு ஏற்றுக்கொள்ளாது கிழியும்படிமிகுதியாக உண்டவன் அச் சோற்றினை வலிமையுடன் தாங்கவேண்டும். இம்மையே இன்பமிழந்து தீமை செய்யும் நன்மையற்றவனை நிலமகள் எப்படித் தாங்குவாள்.