மழைநீரால் பயிர்வளம் நிலைக்கும். அதுபோல் குணச் சிறப்பால் புகழ் நிலைக்கவேண்டும். நன்மை செய்து நற்பெயர் பெறாதவன் தன்னைத்தானே புகழ்ந்துகொள்ளுதல், மழையால் செழித்துத் தானே நீண்டு வளர வேண்டிய பயிரைக் கையால் பிடித்து இழுத்து மழையில்லாமல் வளர்க்கத் தொடங்குவதை ஒக்கும்.

தன்னைத்தானே புகழ்பவனை உலகோர் பழிப்பர். தன் புகழைப் பிறர் கூறக் கேட்கவும் விரும்பாதவனை உலகோர் போற்றுவர். நல்ல புகழைப் பெறும் வழி நன்மை செய்தலும் சிறிதும் தற்புகழாமையுமாம்.