| | நீதிநூல்
|
| 16 | தேவனே யிலனேல் மோக்கந் தீநர கில்லை வேதம்
பாவபுண் ணியங்க ளில்லை பரனிலை யென்போ னில்லின்
மேவலர் தீயிட் டன்னான் விபவமெல் லாஞ்சி தைத்துச்
சீவனை வதைசெய் தாலென் செய்குவன் சிதடன் றானே
|
|
| | கடவுளில்லாவிடின் வீடில்லை; நரகமில்லை; கடவுள் நூல் இல்லை. பாவபுண்ணியங்க ளில்லை, என்று சொல்லித்திரிவோன் வீட்டில் தீவைத்தும் அவன் செல்வத்தைக் கொள்ளையிட்டும் அவனைக் கொன்றும் கொடுமை செய்தால் அவ்வறி வில்லாதவன் என்ன செய்வான். |
| | இல்-வீடு. விபவம்-செல்வம். சிதடன்-அறிவில்லாதவன். |
| | 10 |
| | |
| | அதி. 2. தெய்வத்தன்மையும் வாழ்த்தும் |
| | பிறப்பு இறப்பு இல்லாப் பெரியோனை வாழ்த்து |
| 17 | ஆதியீ றில்லான் றன்னை யமைத்தகா
ரணமொன் றில்லான்
கோதிலான் கணத்து ளண்டங் கோடிசெய்
தழிக்க வல்லான்
ஓதிடு மொப்பொன் றில்லான் உருவிலான்
இருவிண் டங்குஞ்
சோதிதன் னிழலாக் கொண்ட சோதியைத்
துதியாய் நெஞ்சே. |
|
| | முதலும் முடிவும் இல்லாதவன்; தன்னை உண்டாக்கிய ஒரு காரணப்பொரு ளில்லாதவன்; குற்றமில்லாதவன்; நொடிப் பொழுதினுள் திருவுள்ளத்தால் அளவிலாத அண்டங்களைப் படைத்து ஒடுக்கும்வலிமையுள்ளவன்; ஒப்பில்லாதவன்; உருவில்லாதவன்; பரவெளியில் தங்கும் பேரொளியானவன். ஒளி நிழலானவன். அவனை நெஞ்சே வணங்கு. |
| | கோது-குற்றம். கணம்-நொடி. விண்டு-நீங்கி. |
| | 1 |