| | தெய்வத்தன்மையும் வாழ்த்தும்
|
| | காணரும் வடிவினன் கடவுள் |
| 18 | ஆணலன் பெண்ணு மல்லன் அஃறிணை யலன்பா ரல்லன்
சேணலன் புனல்தா லல்லன் தீயலன் ஐம்பு லத்தால்
காணரும் வடிவ னித்தன் கத்தனம் மத்தன் சுத்தன்
மாணற முருக்கொண்டன்ன மாட்சியான் கடவுணெஞ்சே. |
|
| | சிறந்த அறமே உருக்கொண்டனைய மாண்பினவன் கடவுள், அவனே தூயா தலைவனும் தந்தையும் ஆவன். ஆனால் ஆண், பெண், உயிர், மண், விண் முதலிய பூதம், அவன் அல்லன். |
| | 2 |
| | எப்பொருளினும் நீக்கமின்றி நிற்போன் இறைவன் |
| 19 | தரையெலா முளன்து ரும்பு தன்னினு
முளனண் டாண்ட
நிரையெலா முளன்மெய் யாவி நெஞ்சுளு
முளனி யம்பும்
உரையெலா முளன்தான் மேவி யுறைபொருள்
கெடக் கெடாதான்
புரைதபு தன்னைத் தானே பொருவுவோ
னொருவ னன்றே. |
|
| | தனக்குத்தானே ஒப்பாகிய கடவுள், தரை, துரும்பு, பல உலகங்கள், உயிர், நெஞ்சம், சொல் முதலிய எல்லாவற்றோடும் கலந்து நிற்கின்றான். அப்படி நிற்பினும் அப்பொருள் கெடுங்காலத்துத் தனக்குக் கேடின்றித் தனித்து நிற்பன். |
| | வதிரர்-செவிடர். ஆழி-கடல். தேவு-கடவுள். |
| | 3 |
| | உலகியல் விதித்தோன் கடவுள் |
| 20 | உடுக்கணம் யாவும் வெவ்வே றுதயனா மொவ்வொன் றிற்கும்
நடுக்கட்பூ வலயஞ் சோம நபமொடும் வரம்பில் கோடி
அடுக்கடுக் காச்செய் தெல்லா மந்தரத் தமைந்து நிற்க
இடுக்கணொன் றின்றிக் காக்கும் எம்பிரான் பெரியனன்றோ. |
|
| | விண்மீன்கள் ஒவ்வொன்றும் தனித்தனிச் சூரியனாம். ஒவ்வொன்றுக்கும் உலகம், திங்கள், வானம் முதலியனவாகப் பலகோடி உலகங்க ளுண்டு. அவற்றை வெளியில் அமைத்துக் கேடில்லாமல் காப்பவன் கடவுள். |
| | நபம்-வானம். |
| | 4 |