| | கணிகையரியல்பு
|
| | கற்பாம். உடற் கூனும் அழகின்மையும் முதுமையும் வாய்ந்தவள் காக்கும் கற்பு அத்துணைச் சிறந்ததன்று. மெய்ந்நூற்கல்வி முற்றவுணர்ந்த பெரியோர் புலனடக்கமே உண்மை அடக்கமாகும். அறிவிலான் அடக்கம் பெருமை தருவதாகாது. `எல்லாம் ஒறுக்கும் மதுகை உரனுடையாளன், பொறுக்கும் பொறையே பொறைழுயாம். சிறிதும் வலிமையில்லாத கோழையின் பொறுமை உயர்ந்ததன்று. வறுமையுள்ளவர் கொடுக்கும் கொடையே அன்பு அருள் வளர்க்கும் இன்பக்கொடையாம். இடம் பொருள் ஏவல் முதலிய சிறப்பு வாய்ந்த செல்வர் கொடை பெரிதாகாது. |
| | விறலி-பதினாறாண்டுப்பெண். விருத்தை-முதியவள். நொறில்-அடக்கம். அஞ்ஞை-அறிவிலான். கதழ்வு-பெருமை. அற்பம்-சிறிது. திறம்-வலிமை. மறல்-வறுமை. |
| | 25 |
| | அதி. 43--கணிகையரியல்பு |
| | பொருளற்ற விடத்துப் பொய்ப்போக்குரைப்பர் பொதுமாதர் |
| 477 | பூவையிவட் களித்தநிதி கணக்கிலையோர்
கடன்காரன் புலிபோல் நம்மைச்
சாவடிக்கே யிழுக்கமயி லேயிடர்தீ
ரென்றிவள்தன் தாளில் வீழ்ந்தேம்
பூவில்வைத்த நிதியையோர் கிழப்பூதங்
காத்தினிய பூபா உன்னைச்
சீவபலி யிடினீவே னென்றதென்றா
ளென்செய்வாள் தெரிவைதானே. |
|
| | குயிலனைய இப்பொது மகளுக்கு வாரிவாரி இறைத்த பொருளுக்கு அளவில்லை. கடன்காரன் ஒருவன் புலிபோல் வந்து நம்மை நடுநிலை மன்றத்துக்கு இழுத்துத் துன்புறுத்துகின்றான். அப்பொழுது யான் `மயிலே, இக்கடனைக் கொடுத்து இக்கட்டைத் தீர்ப்பாயாகழு என்று அவள் காலில் விழுந்தேன். அவள் மிகவும் பரிவுள்ளாள்போல் நிலத்தில் புதைத்து வைத்த பெரும் பொருளைத் (தாய்க் கிழவியாகிய) ஒரு கிழப்பூதம் காத்துக்கொண்டிருக்கிறது. அஃது, `இனிமை வாய்ந்த மன்னனே! உன்னை உயிர்ப்பலி ஊட்டினால் தருவேன்ழு என்று கூறுகின்றதென்றாள். |
| | பூவை-குயில். சாவடி-மன்றம். பூபா-மன்னா. |
| | 1 |