| | அதி. 3. அரசியல்பு |
| | துன்பம் நீக்கி இன்பம் ஆக்குவோன் மன்னன் |
| 37 | எந்த வே ளையினும் நொந்தவர் துயர்கேட்
டிடரிழைப் பவன்றன தேக
மைந்தனே யெனினும் வதைத்திட ஒல்கான்
மாக்களின் சுகநல மன்றிச்
சிந்தனை மற்றோர் பொருளினில் செலுத்தான்
தீமொழி கனவிலும் புகலான்
தந்தைபோல் தாய்போல் எவரையும் ஓம்புந்
தன்மைய னேயிறை யன்றோ. |
|
| | குடிகளுக்குத் துன்பஞ் செய்வோன் தன் ஒருமகனாக விருப்பினும் தண்டிப்பவனும், குடிகள் நலமே எண்ணுபவனும் கடுமொழியில்லாதவனும், தந்தைதாய்போல் பேணுபவனும் மன்னனாவான். |
| | ஓம்பல்-பேணல். |
| | 1 |
| | மன்னுயிர் எல்லாம் தன்னுயிரா மதிப்போன் மன்னன் |
| 38 | மன்னுயி ரனைத்துந் தன்னுயி ரென்ன
மகிழ்வொடு தாங்கியா ரேனும்
இன்னலுற் றயர்ந்தோ மெனக்கலுழ்ந் திடில்தன்
இருவிழி நீரினை உகுப்பான்
அன்னவெந் துயரை நீக்குமுன் தானொன்று
அயின்றிடான் துயின்றிடான் எவரும்
நன்னக ரெங்கும் உளனெனப் பகர
நாடொறும் இயங்குவோன் கோனே.. |
|
| | எல்லா உயிரும் தன் உயிர்போல் காத்துப், பிறர் துன்பம் கண்டால் கண்ணீர்விட்டு, அத்துன்பம் நீக்கும் வரை ஊண் உறக்கமின்றி நகரெங்கும் காணும்படி வருவோன் மன்னன். |
| | இன்னல்-துன்பம். அயின்றிடல்-உண்டல். |
| | 2 |