| | ஞானாசிரியன் பெருமை
|
| | பலர்க்கும் விளங்கப் பகுத்துரைப்போன் ஆசான் |
| 62 | சிறுவாய்க் கலத்துட் டுளியாகச் செலுத்து நீர்போல்
அறியாச் சிறுவர்க்கு முணர்ந்தறி யாத வர்க்கும்
வறியார்க்கும் விளங்கிட வேதெளி வாவகுத்து
நெறியைத்தெரி விப்பர்நன் னூனெறி நின்ற மேலோர்.. |
|
| | வாய் ஒடுங்கிய கலத்துள் நீரைச் சிறிது சிறிதாகச் செலுத்துவதுபோன்று, ஆசானும் நன்னெறி நூன்முறையைச் சிறுவர்க்கும், உணர்ந்தறியாதார்க்கும், ஏழைகட்கும் விளங்கும்படி வகைசெய்து தெளிவாக உரைப்பாண். |
| | கலம்-ஏனம் (பாத்திரம்). |
| | 9 |
| | யைந்தெல் லார்க்கும் இன்புறுத்துவோன் ஆசான் |
| 63 | வைவார்தமை வாழ்த்தியு நெஞ்சில் வருத்த முற்று
நைவாருடன் நைந்தழு துந்தமை நண்ணித் துன்பஞ்
செய்வாருறு பீழை நினைத்துஞ் சிந்தை நொந்து
மெய்மாமறை யின்பய னோதுவர் மேன்மை யோரே. |
|
| | மெய்யுணர்ந்தார் தம்மை வைவாரை வாழ்த்துவர். உளம் வருந்தித் துன்புறுவாருடன் தாமும் துன்புற்று அழுவர். தமக்குத் துன்பஞ் செய்வார்க்கு அத்தீவினைப் பயனால் துன்பம் வருமே என்று மனம் நொந்து ஆண்டவன்பால் மன்றாடுவர். எல்லார்க்கும் உண்மைத் தெய்வமறையின் சிறப்பை எடுத்துக் கூறுவர். |
| | வைவார்-திட்டுவார். நைவார்-துன்புறுவார். பீழை-துன்பம். மேன்மையோர்-மெய்யுணர்ந்தார். |
| | 10 |
| | ழோர்க்குப் போதிக்கினும் மெய்யுணர்ந்தார் கேடுறார் |
| 64 | பரிதியின் கிரணமங் கணமதிற் படியினும்
அரிதின்மா சணுகுறா தகலல்போ லினியநற்
சரிதமில் லவர்குழாஞ் சார்ந்துபோ திக்கினுந்
துரிதவெம் பவமுறார் தொன்மறைக் கிழவரே. |
|
| | |