| | தாய் தந்தையரை வணங்கல்
|
| | எல்லாம் பெறலாம் ஈன்றார்ப் பெறலரிது |
| 82 | மனையவள் வீயின் வேறோர் மனைவியைக் கொளலாம் பெற்ற
தனையரா தியரி றப்பில் தனித்தனி பெறலாம் பின்னும்
புனைபொரு ணீங்கின் மற்றோர் பொருளையும் பெறலாமத்தன்
அனையிறந் திடின்வேறத்த னனைவரு வாரோ நெஞ்சே. |
|
| | நெஞ்சே இல்லாள், மக்கள், பொருள் இவரை இழந்தால் மீட்டும் பெற்றுக்கொள்ளலாம். அத்தன் அன்னைய ரிறந்திடின், வேறு அத்தன் அன்னையர் வருவாரோ? வாரார். |
| | அனை-அன்னை. அத்தன்-தந்தை. |
| | 9 |
| | வேறு |
| | தாங்கொணாத் துன்பினும் தந்தைதாயைக் காக்க |
| 83 | ஒருத்திபஞ்ச காலத்தில் தாதைக்குத்
தன்முலைப்பா லூட்டிக் காத்தாள்
எருத்தமிசைத் தந்தையினைச் சுமந்தோடி
யொருவனொன்னா ரிடரைத் தீர்த்தான்
ஒருத்தன்தன் தந்தைக்கே உயிர்கொடுத்தா
னெனப்பலவா வுரோமை நாட்டின்
சரித்திரஞ்சொல் வதையறிவாய் நெஞ்சமே
யீன்றோரைத் தாங்கு வாயே.. |
|
| | நெஞ்சே பஞ்சகாலத்தில் ஒருத்தி தன் முலைப்பாலூட்டித் தந்தையைக் காப்பாற்றினள். ஒருவன் தந்தையைக் கழுத்தில் சுமந்து ஓடிப் பகைவரினின்றும் காத்தான். ஒருவன் தந்தைக்காகவே உயிரைக் கொடுத்தான். இவைபோன்ற வரலாறுகள் பல உரோமை நாட்டில் நிகழ்ந்தன. அவைபோல நீயும் ஈன்றாரைக் காப்பாற்றுவாயாக. |
| | எருத்தம்-கழுத்து. ஒன்னார்-பகைவர். இடர்-துன்பம். |
| | 10 |