| | நீதிநூல்
|
| | உரியநன் னூலுணர்த் தாமை கூடையால்
எரியொளி விளக்கினை மறைத்தல் ஒக்குமே. |
|
| | பெண்கள் அன்பு நிறைய இருளினில் ஒளிதரும் விளக்குப் போல விளங்குவர். அவர்களுக்குரிய நல்ல நூல்களை உணர்த்தாதிருப்பது விளக்கைக் கூடையால் மறைப்பதை ஒக்கும். |
| | அரிவை-பெண். நேசம்-அன்பு. ஆர-நிறைய. அல்-இருள். |
| | 6 |
| | படிப்பிலாப் பெண்ணேல் பாதியுடற் கழகிலை |
| 100 | நீதிநூன் மைந்தர்க்கு நிகழ்த்தி மென்மலர்
ஓதியர்க்கு ஓதிடா தொழித்தன் மெய்யினில்
பாதியை யேயலங் கரித்துப் பாதிமெய்
மீதினி லணியின்றி விடுத்தல் ஒக்குமே. |
|
| | அறமுறை நூல்களை ஆண்களுக்கு உணர்த்திப் பெண்களுக்கு உணர்த்தாதிருப்பது, உடம்பில் ஒரு பாதியை ஆடை அணிபூச்சால் அழகு செய்து, மற்றொரு பாதியை அழகு செய்யாமல் விடுவதை யொக்கும். |
| | நீதி-அறமுறை. மைந்தர்-ஆண்கள். ஓதியர்-கூந்தலையுடைய பெண்கள். அலங்கரித்தல்-அழகுபடுத்தல். |
| | 7 |
| | கண்போற் பெண்களும் காணிற் சமமே |
| 101 | இக்கினை நகுமொழி யெழின்மின் னாரின்ஆண்
மக்கள்மிக் கோரெனல் மடமை யாமிரண்டு
அக்கமும் ஒக்குமே யன்றி நல்லகண்
எக்கண்மற் றெக்கணே யிழிவு டைக்கணே. |
|
| | கரும்புங் கசக்கும்படி இனிய சொற்களைச் சொல்லும் அழகிய பெண்களைக் காட்டிலும் ஆண்கள் சிறந்தவர்கள் என்று சொல்லுவது அறியாமை ஆகும். இரண்டு கண்களுள் உயர்ந்த கண் எது? இழிந்த கண் எது? (இரண்டும் சமமே.) |
| | இக்கு-கரும்பு. அக்கம்-கண். |
| | 8 |