| வேறு |
வள்ளுவரா தியரேநல் நீதிநூல் உரைப்பதற்கு
வல்லா ரென்று
துள்ளுவர்யா வரும் அனைய துண்மையா யினுங்குளத்தூர்ச்
சுகுண வள்ளல்
உள்ளுவர்பா லருள்நிறவும் வேதநா யகமகிபன்
உரைத்த நீதி
தள்ளுவர்யா ராதலில்தேற் றேகாரந் தவிர்த்திசைத்தல்
தகுதி யாமே.
|
ஓதிநூ லுணர்ந்தகுளத் தூர்வேத நாயகமா
லுவப்பிற் செய்த
நீதிநூல் தேவியலா சிரியனிய லுணர்த்துதலான்
நிகரில் ஞானச்
சோதிநூ லெனச்சொல்வாம் இந்நூன்மு னெந்நூலுஞ்
சொல்லிற் கால்நூல்
பாதிநூன் முக்கால்நூல் உவட்டுநூல் சிலம்பிநூல்
பருத்தி நூலே.
|
வில்லாம திற்குளத்தூர் வேதநா யகமகிபன்
விரும்பிச் செய்த
நல்லாருண் மகிழ்நீதி நூலிலுள்ள கற்பனையும்
நயமும் ஓரின்
எல்லாருங் கற்றவரே யெல்லாரும் பாடுநரே
யெல்லா ருந்தாஞ்
சொல்லாரும் அறிவினரே யறிவினர்தந் துதியவருஞ்
சூடு வாரே. |