| | கணவ மனைவியரியல்பு
|
| | துணைவர்-தலைவர். இறைவி-தலைவி. ஐயம்-தடை; துணிவின்மை (சந்தேகம்). பெருமகன்-தலைவன். தருமம்-அறம். சதி-தலைவி. |
| | 40 |
| | வேறு |
| | மனையவள் நகைப்பஞ்சிவாள் வெல்லலே வலிமை |
| 149 | வினையில் வென்றியி லாதிங்கு மீண்டதற்கு
இனன்மு னிந்திடு மென்றஞ்சி லேம்வசை
தனையு மென்னிலந் தாரந் திறலிலேம்
எனந கிற்செய்வ தென்சொ லிதயமே. |
|
| | நெஞ்சே! முயற்சியில் வெற்றிபெறாது இங்கு மீண்டதற்கு உறவினர் வெறுப்பார் என்று அஞ்சிலேன். உலகோர் கூறும் பழியையும் கருதிலேன். மனையவள் வலிமையில்லாதவன் என இகழ்ச்சிச் சிரிப்புச் சிரித்தால் என் செய்வது? சொல்வாயாக. |
| | வினை-முயற்சி. இனன்-உறவினன், தாரம்-மனைவி, நகின்-சிரித்தால். |
| | 41 |
| | எப்பெருந் துன்பும் ஏகும் மனைநோக்கால் |
| 150 | இரிஞ ராலுறும் எவ்வமுந் தேகமார்
பெரிய புண்களும் பேசருந் துன்பமும்
உரிமை வாண்முக நோக்க வொழிதலாற்
பிரியை நோக்கம் பெருமருந் தாமரோ. |
|
| | பகைவர்களால் ஏற்படும் துன்பமும், போரில், உடம்பில் ஏற்படும் பெரிய புண்களும், அதனாலுண்டாகும் இடும்பையும் கற்பு நிறை காதலியின் அன்புப் பார்வையால் நீங்குகின்றன. ஆயின், காதலியின் நோக்கம் துன்பம் நீக்கும் சிறந்த மருந்தாம் என்க. |
| | இரிஞர்-பகைவர். எவ்வம்-துன்பம். உரிமை-காதலி; மனைவி. பிரியை-காதலி. |
| | 42 |
| | இல்லவள் முகத்துக்கு ஈடின்று திங்களும் |
| 151 | எழிலி லாளில் லவளெனும் வேசிதேன்
மொழிமு கத்தை மதியைமுன் னான்முகன்
சுழித ராசினிற் றூக்கத்தட் டோடும்பர்
எழுநி சாபதி யின்னுமிங் கெய்திலான். |
|