| முழுவதும் அடங்கிய ஆய்வு தொகுப்பு | 15 |
Untitled Document
| 58 | | ஒளியை நோக்கிடவே - விளக்கின்
உதவி வேண்டுவதேன்?
தெளிய உள்ளத்தில் - ஞான
தீபம் ஏற்றுவையே. |
| 59 | | மேயும் ஆட்டினைப் - பிடித்து
வெட்ட வேண்டாமே;
தீய குணமெல்லாம் - பலிநீ
செய்தாற் போதுமே. |
| 60 | | வாழிஎன் மனமே! உழவின்
வழியறி யாயோ?
பாழ்நில மெல்லாம் - உழுதால்
பயிர் செழித் திடுமே. |
| 61 | | விரிசடைத் தேவி - பெயரால்
வேலிகட் டுவையேல்,
அரிய காலனுமே - வந்தங்கு
அணுக மாட்டானே. |
| 62 | | என்றிவ் வுலகமெல்லாம் - நாசம்
எய்தி வீழ்ந்திடுமோ?
இன்றோ நாளையோ? - அதனை
யாவர் அறிகுவார்? |
| 63 | | இந்த நாளேநீ - வாழ்வோடு
இருக்கும் நாளாகும் :
முந்திப் பயிர்செய்த - நல்ல
முதலெடுப் பாயே. |
| 64 | | விரும்பி ஞானகுரு - தந்த
விதையை நீ விதைத்துப்
பெருகும் அன்புநீரைப் - பாய்ச்சிப்
பேணிக் காப்பாயே. |
| 65 | | தனியே நிற்பாயேல் - மனமே!
தளர்ந்து போவாய் நீ;
எனையும் கூடவே - துணையாய்
ஏற்றுக்கொள்வாயே. | |
|
|