| 1599 | | காட்டுப் புலியின் கொடுமையஞ்சி - உங்கள்
கால்நிழல் தங்கிய ஆடுகளை
நாட்டுப் புலியென் கொல்லுவதோ? - அந்த
நான்மறை போற்றிய நீதிஐயா? | 155 |
| 1600 | | மண்ணில் வளர்ந்திடும் புல்லையுண்ணும் - வான
மாரி பொழிந்திடும் நீரையுண்ணும்;
எண்ணிநீர் செய்யும் உதவியென்னாம் - இதை
ஏனோ உணர்ந்திலீர் மானிடரே! | 156 |
| 1601 | | பிள்ளையைக் கொன்று கறி சமைத்தீர் - அதன்
பெற்றோரை உண்ண அழைத்துநின்றீர்;
வள்ளலே உள்ளந் தெளிந்தவரே - இது
வாழ்வை யளிக்கும் செயலமோ? | 157 |
| 1602 | | மன்னுயி ரெல்லாம் உலகில் - ஒருதாயின்
மக்களென் றுண்மை அறிந்திலீரோ?
தன்னுயிர் போற்றிப் பெரும்பழி செய்வது
சண்டாளர் கண்ட நெறியலவோ? | 158 |
| 1603 | | மாண்ட மனிதனோர் ஆடுமாவான் - உடல்
மாறியோர் ஆடும் மனிதனாகும்;
நீண்ட உலகின் இயற்கைஐயா! - இது
நீதி நூல் கண்டிடும் உண்மைஐயா! | 159 |
| 1604 | | பாரில் உதிரம் குளிப்பதனால் - ஒரு
பாவமும் நீங்குவ தில்லைஐயா!
சீரியதேவரும் இச்செயல் - கண்டுதம்
சிந்தை களித்திட மாட்டாரையா! | 160 |
| 1605 | | தாயென நம்பி வரும்உயிரை - யாக
சாலை நடுவில் கிடத்திஒரு
பேயெனக் கீறிப் பிளப்பதனால் - என்ன
பேறும் பெயரையும் பெற்றீரையா? | 161 |
| 1606 | | துட்டப் பிசாசைக் குறித்திடினும் - இந்தத்
தூண்டிலில் வந்த தகப்படுமோ?
வெட்டிக் கொலைசெய்ய வேண்டாமையா! - இதை
விட்டொழிதல் மிக்க மேன்மைஐயா! | 162 |