Untitled Document | 1746 | | நின்ற துயரம் நீங்கிடவே
நேருந் துயரம் மாறிடவே,
இன்றிக் கிண்ணம் நிறையஎனக்கு
இனிய மதுநீ வார்த்திடம்மா!
அன்றி நாளைக் கென்பாயேல்
அந்த ‘நாளை’ வருமுன்னம்
சென்ற கோடி ஆண்டுகளில்
சேர்ந்தொன் றாகிப் போவேனே. | 77 |
| 1747 | | அரிய இனிய குணமுடையர்
அறிவும் புகழும் மிகவுடையார்
மருவும் உலகம் மதிக்கவரு
மணியே, போல்வோர் பலநண்பர்,
பருகும் மதுவைச் சிறிதுமுனம்
பருகிப் பருகி மெல்லஎழுந்து
ஒருவர் ஒருவர் ஒருவராய்
உறங்க வீடு சென்றனரே. | 78 |
| 1748 | | அங்கவ் அயனும் தங்கவொட்டான்
அஞ்சல் வழியிங்கு அனுப்பிடுவான்;
இங்கு யமனும் இருக்கவொட்டான்
யார்சொன் னாலும் விடமாட்டான்;
அங்கு மிங்கு மாகஅலைந்து
அயர்ந்து வாடி அலுப்புற்றேன்;
இங்கு மங்கும் எங்குமுளோய்
ஏழை என்னைக் காப்பாயே.
| 79 |
| 1749 | | ஒருகை அன்னம் இடமாட்டான்;
ஊரூ ராகத் துரத்திடுவான்;
பருக நீரும் தரமாட்டான்;
பழியில் மூழ்கச் செய்திடுவான்;
இரவும் பகலும் ஓயாமல்
என்னை மானம் கெடுத்திடுவான்;
கருணை யில்லாக் காலனவன்
காட்டும் கொடுமை சிறிதளவே. | 80 | |
|
|