| முழுவதும் அடங்கிய ஆய்வு தொகுப்பு | 381 |
Untitled Document | 1750 | | உண்ணும் உணவை அழித்திடுவான்;
உடலை மெலியச் செய்திடுவான்;
கண்ணுக் கினிய ஆடையினைக்
கந்த லாகக் கீறிடுவான்;
பண்ணற் கரிய மாளிகையும்
பாழ்மண் ணாகக் கண்டிடுவான்;
எண்ணிற் காலன் கொடுமையெலாம்
யாரே கூற வல்லவராம்? | 81 |
| 1751 | | வாடி நித்தம் வருந்திடினும்
வயிற்றுக் குணவு தரமாட்டாய்;
தேடி வைத்த பொருளையெலாம்
திருடிக் கொண்டு போய்விடுவாய்;
ஆடிச் சுழலும் ராட்டினமும்
ஆடைக் குதவு நூல்தருமே
நீடு காலச் சக்கரமே!
நின்னால் ஏதும் பயனுண்டோ? | 82 |
| 1752 | | ஏழை ஒன்றை எண்ணுகின்றேன்,
ஈசன் ஒன்றை எண்ணுகின்றான்;
ஏழை எண்ணம் இந்நிலையில்
என்றும் நிறைவு கண்டிடுமோ?
ஏழை வாழ்வை யன்றிஎதும்
ஈசன் எண்ணான் ஆதலினால்
ஏழை எண்ணம் நிறைவேறாது
இருத்தல் அன்றோ நலம், ஐயா! | 83 |
| 1753 | | தேறா உலகின் மாற்றமெலாம்
தேறும் உண்மை ஞானியர்கள்,
மாறா இன்ப துன்பத்தால்
மயக்கம் கொள்வது என்றுமிலை;
கூறாய் இன்பம் மறைவதுபோல்
குறைந்து மறையும் துன்பமுமே;
ஆறாப் புண்ணும் உலகில்லை;
ஆற்ற மருந்தும் அதற்கில்லை; | 84 |
|
|
|